. ස්කොට් ක්‍රීඩකයෝ ප්‍රංශයේ අඳුර දිගු කරති | කෙළිමඬල
2018 සැප්තැම්බර් මස 25 වැනි අගහරුවාදා
ස්කොට් ක්‍රීඩකයෝ ප්‍රංශයේ අඳුර දිගු කරති
2018-02-12 15:49:48 | .

ප්‍රංශ කණ්ඩායමේ අඳුරු කාලපරිච්ඡේදය තවත් දීර්ඝ කළ ස්කොට්ලන්ත ක්‍රීඩකයෝ සයකොන් රග්බි ශූරතාවලියේ එඩින්බරෝ නුවර මරිෆීල්ඞ් පිටියේ පැවැති තරගයෙන් ලකුණු 32-26 ක පහසු ජයක් අත්කර ගත්හ. ජයග්‍රහණ ඉඩෝරයකට මුහුණ පා සිටින ප්‍රංශය පිට පිට ලැබූ 8 වැනි පරාජය ද මෙයයි.

ෂෝන් මේට්ලන්ඞ් 13 වැනි මිනිත්තුවේදිත්, හව් ජෝන්ස් 32 වැනි මිනිත්තුවේදිත් තැබූ දැකුම්කළු උත්සාහක දිනුම් දෙකම ගෝල බවට ප්‍රවර්තනය කළ ග්‍රෙග් ලේඞ්ලෝ දඬුවම් පහර 6ක්ම සාර්ථක කරමින් ස්කොට්ලන්තයේ ජයග්‍රහණයට මාවත විවර කළේය.

තරගයේ 64 වැනි විනාඩියේදී දෙපිලම ලකුණු 26 බැගින් ලබා තරගය සම කර තිබිණ. එහෙත් ග්‍රෙග් ලේඞ්ලෝ ලබාගත් දඬුවම් පහර දෙකකින් ඉදිරියට ගිය ස්කොට්ලන්ත ක්‍රීඩකයෝ තරගයේ ජයග්‍රහණ තමන් සතුකර ගත්හ.
 
ප්‍රංශය 13 වතාවකදීම තරග තීරකවරයාගේ උදහසට ලක්වීම කැපී පෙනුණු අතර ඒ සෑම අවස්ථාවකදීම ස්කොට්ලන්තයට දඬුවම් පහරක් ලබාගැනීමේ අවස්ථාව උදාවිය. ඒ අවස්ථා 13 න් 6 ක්ම ලේඞ්ලෝ කදිමට පාවිච්චි කළේය. ඒ අනුව ස්කොට්ලන්තය ලැබූ සමස්ත ලකුණු ප්‍රමාණයෙන් 22 කම අයිතිකරුවා ඔහුය.

ලෙස් බ්ලූස් නමින් හඳුන්වනු ලබන ප්‍රංශ රග්බි පිල වසරකට ආසන්න කාලයක් පුරා තරගයක් දිනා නැත. ඊයේ තරගයේදී ඔවුන් ලකුණු 26 ක් ලැබුවේ ටෙඩි තෝමස්ගේ සිත්ගන්නා සුලු උත්සාහක දිනුම් දෙකක් සහ ඒවා ගෝල බවට ප්‍රවර්තනය කළ මැක්සිම් මෙචනොඞ් දඬුවම් පහර 2 කුත් සාර්ථක කරගැනීම නිසාය. මීට අමතරව බැප්ටිස්ට් සෙරිනුත් දඬුවම් පහර 2 ක් සාර්ථක කර දුන්නේය.

සයකොන් රග්බි ශූරතාවලියේ අයර්ලන්තය සමග පැවැති තරගයේදී ප්‍රංශයේ ප්‍රබලතම ෆ්ලයි හාෆ් ක්‍රීඩක මැතිව් ජලිබර්ට් ආබාධයකට ලක්වීම නිසා මේ තරගයට ක්‍රීඩා කිරිමේ අවස්ථාව මග හැරී ගිය අතර ඊයේ තරගයේදිත් ඔවුන්ගේ ෆුල් බෑක් ක්‍රීඩක මැක්සිම් මෙචනොඞ් ආබාධයකට ලක්ව පළමු භාගයෙන් පසුව ක්‍රීඩා කළේම නැත. බැප්ටිස්ට් සෙරින් ක්‍රීඩා කළේ ඒ වෙනුවටය.

මේ මස 24 වැනිදා ස්කොට්ලන්තය සිය අසල්වාසී එංගලන්තයට සත්කාරකත්වය ලබාදීමට නියමිතය.


- 077

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
මැතිව්ස් අවදානම් අඩවියක...
2018-09-23 20:39:36
ක්‍රීඩකයකු වශයෙන් අසාර්ථක වෙමින් සිටින ඇන්ජලෝ මැතිව්ස්ට තවදුරටත් කණ්ඩායමේ නායකයාගේ ස්ථානයේ රැඳී සිටි හැකිද යන ප්‍රශ්නයේ හඬ එන්න එන...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...