. නවසීලන්තයට ලකුණු 12 ක ජයක් | කෙළිමඬල
2018 දෙසැම්බර් මස 15 වැනි සෙනසුරාදා
නවසීලන්තයට ලකුණු 12 ක ජයක්
2018-02-13 19:58:11 | ...

එංගලන්තය, නවසීලන්තය සහ ඕස්ටේ්‍රලියාව අතර පැවැත්වෙන තුන්කොන් විස්සයි20 ක්‍රිකට් තරගාවලියේ සිවුවැනි තරගය ලෙස එංගලන්තය සහ නවසීලන්තය අතර අද (13 වැනිදා) පැවැති තරගයෙන් ලකුණු 12 ක ජයක් අත්කර ගැනීමට නවසීලන්ත කණ්ඩායම සමත් විය.

ජයග්‍රහණය සඳහා ලකුණු 197 ක ඉලක්කයක් හඹාගිය එංගලන්ත කණ්ඩායමට නියමිත ඕවර 20 අවසානයේ කඩුලු 9 ක් දැවී රැස්කරගත හැකි වූයේ ලකුණු 184 ක් පමණි. මිචෙල් සෑන්ට්නර්, ටේ‍රන්ට් බෝල්ට් සහ ඉෂ් සෝධි කඩුලු 2 බැගින් දවාගනිමින් එංගලන්ත කණ්ඩායමේ ජයග්‍රාහී මාවත අවහිර කළහ.  

එංගලන්ත කණ්ඩායමේ වැඩිම ලකුණු ලාභියා බවට පත් වූ ඬේවිඞ් මැලන් පන්දු 40 කදී හයේ පහර 2 ක් සහ හතරේ පහර 6 ක් සමගින් ලකුණු 59 ක් රැස්කළද, ඔහුට සිය කණ්ඩායම ජයග්‍රහණය කරා ගෙන යෑමට නොහැකි විය. මැලන් සහ ඇලෙක්ස් හේල්ස් (47) එක්ව දෙවැනි කඩුල්ල වෙනුවෙන් පන්දු 38 කදී ගොඩනැගූ ලකුණු 65 ක සම්බන්ධතාවද එංගලන්ත කණ්ඩායමේ ජයග්‍රහණය සඳහා ප්‍රමාණවත් නොවීය. පන්දු 24 කදී වාර්තා වූ හේල්ස්ගේ ඉනිමට හයේ පහර 3 ක් සහ හතරේ පහර 6 ක් ඇතුළත් විය.  

පළමුවෙන් පන්දුවට පහරදුන් නවසීලන්ත කණ්ඩායමට සාර්ථක ආරම්භයක් ලබාදෙමින් දෙවැනි කඩුල්ල වෙනුවෙන් පන්දු 54 කදී ලකුණු 82 ක සම්බන්ධතාවක් ගොඩනැගීමට මාටින් ගප්ටිල් (65) සහ නායක කේන් විලියම්ස් (72) සමත් වූහ. පන්දු 46 කට මුහුණදුන් විලියම්ස්, සිය අර්ධ ශතකය හයේ පහර 4 කින් සහ හතරේ පහර 4 කින් අලංකාර කළ අතර පන්දු 40 කදී වාර්තා වූ ගප්ටිල්ගේ ඉනිම හයේ පහර 3 කින් සහ හතරේ පහර 6 කින් සමන්විත විය.

එහිදී එංගලන්ත කණ්ඩායමේ සාර්ථකම පන්දු යවන්නන් දෙදෙනා බවට පත් වූ ඬේවිඞ් විලී සහ ආදිල් රෂීඞ් ලකුණු 36 කට කඩුලු 2 බැගින් දවාගත්හ.

නවසීලන්තය - ඕවර 20 කදී කඩුලු 5 ක් දැවී 196
(මාටින් ගප්ටිල් 65, කේන් විලියම්සන් 72, මාක් චාප්මන් 20, ඬේවිඞ් විලී 36/2, ආදිල් රෂීඞ් 36/2)

එංගලන්තය - ඕවර 20 කදී කඩුලු 9 ක් දැවී 184
(ඇලෙක්ස් හේල්ස් 47, ඬේව්ඞ් මැලන් 59, ඬේවිඞ් විලී 21, මිචෙල් සෑන්ට්නර් 29/2, ටේ‍රන්ට් බෝල්ට් 46/2, ඉෂ් සෝධි 49/2)

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
මාලිංගට - මැතිව්ස්ට කෝටි 5 ක ලංසු...
2018-12-12 17:43:10
ලබන වසරේදී (2019) පැවැත්වෙන ඉන්දීය ප්‍රිමියර් ලීග් (අයි.පී.එල්.) තරගාවලියට ක්‍රීඩකයන් තෝරගැනීම සඳහා පැවැත්වෙන වෙන්දේසියේදී ශ්‍...
නවසීලන්ත ක්‍රීඩකයෝ පෙරමුණ ගනිති...
2018-12-11 19:51:35
ශ්‍රී ලංකාව සහ නවසීලන්තය අතර ටෙස්ට් තරගාවලිය ආරම්භ වීමට දින හතරකට පෙර, අන්තර් ජාතික ක්‍රිකට් සභාව විසින් නිකුත් කරන ලද නවතම ක්&zwj...