. කුසල් පෙරේරා වෙනුවට කුසල් මෙන්ඩිස් කැඳවයි | කෙළිමඬල
2018 සැප්තැම්බර් මස 25 වැනි අගහරුවාදා
කුසල් පෙරේරා වෙනුවට කුසල් මෙන්ඩිස් කැඳවයි
2018-02-13 20:06:10 | ශානුක අරවින්ද

බංග්ලාදේශයට එරෙහිව පැවැත්වෙන විස්සයි20 ක්‍රිකට් තරගාවලිය සඳහා නම් කරන ලද ශ්‍රී ලංකා සංචිතයට ඇතුළත්ව සිටි ආරම්භක පිතිකරු කුසල් පෙරේරා වෛද්‍ය උපදෙස් මත එම තරගාවලියට සහභාගි නොවන බව ශ්‍රී ලංකා ක්‍රිකට් ආයතනය නිවේදනය කරයි.  


ශ්‍රී ලංකාව, සිම්බාබ්වේ සහ බංග්ලාදේශය අතර පැවැති තුන් කොන් තරගාවලිය අතරතුර ඇලපතේ මස් පිඬුවක ඇදීමකින් පීඩා විඳීම නිසා කුසල්ට එම තරගාවලියෙන් ඉවත් වීමට සිදුවිය. සිම්බාබ්වේ කණ්ඩායමට එරෙහිව පැවැති දෙවැනි තරගය අතරතුර පන්දුවට පහරදෙමින් සිටියදී කුසල් එම ආබාධ තත්ත්වයට ලක් වූ අතර එම තරගාවලියේ මුල් තරග 3 දීම ශ්‍රී ලංකා ඉනිම ඇරඹූ ඔහු, එහිදී අර්ධ ශතකයක්ද සමගින් ලකුණු 130 ක් රැස්කළේය.


කුසල් විස්සයි20 සංචිතයට ඇතුළත් කර තිබුණද, තවමත් ඔහුගේ ආබාධ තත්ත්වය පූර්ණ වශයෙන් සුව වී නොතිබීම හේතුවෙන් වෛද්‍යවරුන් ඔහුට විස්සයි20 තරගාවලියට සහභාගි වීමෙන් වැලකී සිටින ලෙස උපදෙස් ලබාදී තිබීම නිසා මෙම තීරණය ගෙන ඇතැයිද වාර්තා වේ.


මේ දක්වා විස්සයි20 තරග 30 කදී ශ්‍රී ලංකාව නියෝජනය කර ඇති කුසල් එහිදී අර්ධ ශතක 7 ක් සමගින් රැස්කරගෙන සිටින ලකුණු සංඛ්‍යාව 816 කි. 2013 වසරේ ඩුබාහිදී පාකිස්තානයට එරෙහිව රැස්කළ ලකුණු 84 කුසල්ගේ ඉහළම විස්සයි20 ඉනිම වන අතර ඔහුගේ ලකුණු රැස්කිරීමේ සාමාන්‍යය 27.20 ක්ද, ලකුණු ලබාගැනීමේ වේගය 133.55 ක්ද ලෙස සටහන් වේ.


කුසල්ගේ පෙරේරාගේ හිඩැස පිරවීම සඳහා යොවුන් ක්‍රීඩක කුසල් මෙන්ඩිස් විස්සයි20 කණ්ඩායමට ඇතුළත් කර තිබේ. ශ්‍රී ලංකාව වෙනුවෙන් විස්සයි20 තරග 8 කට ක්‍රීඩා කර ඇති මෙන්ඩිස් එහිදී ලබාගෙන ඇති ලකුණු සංඛ්‍යාව 74 කි. ඔහු අවසන් වරට විස්සයි20 තරගයක් සඳහා සහභාගී වී ඇත්තේ 2017 වසරේ පෙබරවාරි මස ඕස්ටේ්‍රලියාවට එරෙහිවය.


දෙරට අතර පැවැත්වෙන තරග 2 කින් සමන්විත විස්සයි20 තරගාවලියේ පළමු තරගය 15 වැනිදා ඩකාහිදී පැවැත්වෙන අතර දෙවැනි තරගය 18 වැනිදා ශිලාත්හිදී පැවැත්වේ.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
ඇෆ්ඝනිස්තානයට ලකුණු 136 ක ජයක්...
2018-09-20 21:20:50
  ආසියානු ක්‍රිකට් තරගාවලියේ හයවැනි තරගය ලෙස බංග්ලාදේශ සහ ඇෆ්ඝනිස්තාන් කණ්ඩායම් අතර අබුඩාබී ජාත්‍යන්තර ක්‍රිකට් ක...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...