. විස්සයි-20 අන්තර්ජාතික තරග එපා | කෙළිමඬල
2018 ජූනි මස 22 වැනි සිකුරාදා
විස්සයි-20 අන්තර්ජාතික තරග එපා
2018-02-19 21:22:04 | .

ක්‍රිකට් ක්‍රීඩාවේ ඉදිරියෙන් සිටින ක්‍රීඩකයන්ගේත් පුහුණුකරුවන්ගේත් පීඩනය අඩුකිරීම සඳහා විස්සයි-20 තරග දින දර්ශනයෙන් කපා හැරිය යුතු යයි එංගලන්ත පුහුණුකරු ට්‍රෙවර් බේලිස් මහතා කියයි. ඕස්ට්‍රේලියාව, නවසීලන්තය සහ එංගලන්තය අතර පැවැති ට්‍රාන්ස් තස්මන් කුසලාන තරගාවලියේ අවසන් තරගයට සුදුසුකම් ලබාගැනීමට අපොහොසත් වූ එංගලන්ත පිලේ පුහුණුකරුවා ප්‍රශ්න කළේ මෙවන් තරගාවලියක් ලෝකයේ උසස්ම මට්ටමේදී තබාගන්නේ ඇයිද කියාය.

බේලිස් මහතාගේ අදහස වන්නේ විස්සයි-20 තරග අයි.පී.එල්. නැතහොත් බිග් බෑෂ් හෝ සී.පී.එල් ආකාරයේ දේශීය තරග සඳහා පමණක් අනුමත කිරීමට ක්‍රිකට් ලොක්කන් පියවර ගත යුතු බවයි.

“මම නම් ඔය විස්සයි-20 සෙල්ලම් කරන්නේ නෑ. මා ඒක කණ්ඩායම් අයිතිකාරයින්ටම කරගන්න කියනවා”
“අපි මේ තරම් ක්‍රීඩා කරන්න ගියොත් කිසියම් අවස්ථාවකදී පුපුරායාමක් සිද්ධ වෙන්න පුළුවන්. ක්‍රීඩකයන්ට විතරක් නෙමේ. පුහුණුකරුවන්ටත් ඒක බලපානවා” යයිද ටේ‍රවර් බේලිස් මහතා ස්කයි ස්පෝට්ස් සේවයට පැවසීය. අයි.පී.එල්. කණ්ඩායම් මෙන්ම ඕස්ටේ්‍රලියාවේදී පැවැත්වෙන බිග් බෑෂ් ලීගයේද කණ්ඩායම් පුහුණුකර ඇති බේලිස් මහතා කියන්නේ විස්සයි-20 අන්තර්ජාතික තරග පවත්වන්නේ නම් එය විස්සයි-20 ලෝක කුසලාන තරග පැවැත්වෙන වර්ෂයට පමණක් සීමා කළ යුතු බවයි.

ඕස්ට්‍රේලියාවේදී අළු බඳුන තරගාවලියටත් ඉන් අනතුරුව එක්දින සහ විස්සයි-20 තරගාවලියකටත් සහභාගි වූ එංගලන්ත කණ්ඩායම නවසීලන්තයේදී විස්සයි-20 තුන්කොන් තරගාවලියකට සහභාගි විය. නවසීලන්තයට එරෙහිව ටෙස්ට් තරගාවලියක් සහ එක්දින තරගාවලියක්ද එංගලන්ත පිලට ඉතිරිව තිබේ.

කෙසේ වෙතත් නවසීලන්ත පිලේ පුහුණුකරු මයික් හෙසන් ටේ‍රවර් බේලිස් මහතා සමමග එකඟ නොවේ.
“ක්‍රීඩකයන් වගේම පුහුණුකරුවන්ටත් වෙහෙසවීම සම්බන්ධයෙන් ප්‍රශ්නයක් තියෙනවා තමා. ඒත් ආදායම් ඉපයීම පිළිබඳවත් හිතන්න ඕනේ”

“සමහර රටවල නම් ලොකු ප්‍රශ්නයක් නොවුණත් නවසීලන්තයේ නම් ඊඞ්න් ගාර්ඞ්න් පිටියට 35,000 ක පිරිසක් ගෙන්වනවා කියන්නේ අපට අති විශාල දෙයක්. ඒක ක්‍රීඩාවටත් හොඳයි, ක්‍රීඩාවේ ප්‍රතිරූපයටත් හොඳයි” යයි මයික් හෙසන් මහතා පැවසීය.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
පාසල් ක්‍රිකට් පිටිය කැළඹූ කමිඳු මෙන්ඩිස්...
2018-06-19 20:41:20
වසර 39 ක ඉතිහාසකයකට උරුමකම් කියන සන්ඬේ ටයිම්ස් වසරේ පාසල් ක්‍රිකට් ක්‍රීඩකයා තේරීමේ තරගයේදී දක්ෂතම පාසල් ක්‍රිකට් ක්‍රීඩකය...
පන්දුව මාරු කිරීමෙන් අනපේක්ෂිත අර්බුදයක්...
2018-06-16 22:16:33
පන්දුව පළුඳු කිරීම පිළිබඳ සැකයක් සහ පන්දුව මාරු කිරීම සම්බන්ධ සිදුවීමක් හේතුවෙන් සංචාරක ශ්‍රී ලංකා කණ්ඩායම සහ බටහිර ඉන්දීය කොදෙව් කණ්ඩ...
චන්දිමාල්ට පන්දුව පළුදු කිරීමේ චෝදනා...
2018-06-17 17:37:31
කොදෙව් කණ්ඩායමට එරෙහිව ශාන්ත ලුසියාහිදී පැවැත්වෙන දෙවැනි ටෙස්ට් තරගයේදී පන්දුව පළුදු කළේ යැයි ශ්‍රී ලංකා නායක දිනේෂ් චන්දිමාල්ට ජාත්&z...
ටෙස්ට් ශූරතාවලියේදී ශ්‍රී ලංකාවේ ප්‍රතිවාදියෝ...
2018-06-20 20:23:27
ටෙස්ට් ක්‍රිකට් ශ්‍රේණිගත කිරීම්හි ඉහළින්ම රැදී සිටින රටවල් 9 අතර ටෙස්ට් ශූරතාවලියක් පැවැත්වීමට අන්තර් ජාතික ක්‍රිකට් සභාව පිය...