. අර්ධ අවසන් පූර්ව තරග හෙට | කෙළිමඬල
2019 මාර්තු මස 24 වැනි ඉරිදා
අර්ධ අවසන් පූර්ව තරග හෙට
2018-02-28 18:39:45 | ශානුක අරවින්ද

කොළඹ හමීඞ් අල් හුසේනි විදුහලේ 80 කණ්ඩායම, 11 වැනි වරත් සංවිධානය කරන ජනාධිපති කුසලාන ආරාධිත පාසල් පාපන්දු තරගාවලියේ අර්ධ අවසන් පූර්ව වටයේ තරග හෙට (1 වැනිදා) කොළඹ සිටි ලීග පාපන්දු ක්‍රීඩාංගණයේදී පැවැත්වේ.

අර්ධ අවසන් පූර්ව වටයේදී මීගමුව මාරිස්ටෙලා විදුහලට එරෙහිව කළුතර මුස්ලිම් මැදි විදුහලත්, කොටහේන ශාන්ත බෙනඩික් විදුහලට එරෙහිව කොළඹ වෙස්ලි විදුහලත්, මරදාන සහිරා විදුහලට එරෙහිව කොළඹ ගේට්වේ ජාත්‍යන්තර පාසලත්, කොළඹ හමීඞ් අල් හුසේනි විදුහලට එරෙහිව කොළඹ ඉසිපතන විදුහලත් තරග බිමට පිවිසෙනු ඇත.

මාරිස්ටෙලා විදුහල සහ මුස්ලිම් මැදි විදුහල අතර තරගය හෙට පෙරවරු 8.30 ටත්, ශාන්ත බෙනඩික් විදුහල සහ වෙස්ලි විදුහල අතර තරගය පෙරවරු 10.00 ටත්, සහිරා විදුහල සහ ගේට්වේ ජාත්‍යන්තර පාසල අතර තරගය මධ්‍යහන 12.00 ටත්, හමීඞ් අල් හුසේනි විදුහල සහ ඉසිපතන විදුහල අතර තරගය පස්වරු 4.00 ටත් ආරම්භ වීමට නියමිතය.  

පෙර අර්ධ අවසන් පූර්ව වටයේ තරග වලදී කැපී පෙනෙන දස්කම් දැක්වීමට මාරිස්ටෙලා, ශාන්ත බෙනඩික් සහ හමීඞ් අල් හුසේනි යන විදුහල් සමත් විය. එහිදී ගම්පොළ සහිරා විදුහල ගෝල 4-0 කින් පරාජය කිරීමට මාරිස්ටෙලා විදුහලත්, කොළඹ තර්ස්ටන් විදුහල ගෝල 4-0 කින් පරාජය කිරීමට ශාන්ත බෙනඩික් විදුහලත්, කොළඹ ලුම්බිණි විදුහල ගෝල 7-0 කින් පරාජය කිරීමට හමීඞ් අල් හුසේනි විදුහලත් සමත් විය.

තරගාවලියේ අවසන් පූර්ව තරග මේ මස 4 වැනිදා පස්වරු 2.30 ට සහ පස්වරු 4.00 ටත්, අවසන් මහ තරගය 18 වැනිදා පස්වරු 5.00 ටත් කොළඹ තුරඟ තරග පිටියේදී ආරම්භ වීමට නියමිතය.


පෙර අර්ධ අවසන් පූර්ව වටයේ තරග ප්‍රතිඵල

■    මීගමුව මාරිස්ටෙලා විදුහල විසින් ගෝල 4-0 ක් ලෙස ගම්පොළ සහිරා විදුහල පරාජය කරන ලදි.
■    කළුතර මුස්ලිම් විදුහල විසින් ගෝල 1-0 ක් ලෙස කොළඹ ටී.බී.ජයා විදුහල පරාජය කරන ලදි.
■    කොටහේන ශාන්ත බෙනඩික් විදුහල විසින් ගෝල 4-0 ක් ලෙස කොළඹ තර්ස්ටන් විදුහල පරාජය කරන ලදි.
■    කොළඹ වෙස්ලි විදුහල විසින් දඬුවම් පහර 4-2 ක් ලෙස ලෙස කොළඹ නාලන්දා විදුහල පරාජය කරන ලදි.
■    ගේට්වේ ජාත්‍යන්තර පාසල විසින් දඬුවම් පහර 5-4 ක් ලෙස කොළඹ ශාන්ත පීතර විදුහල පරාජය කරන ලදි.
■    මරදාන සහිරා විදුහල විසින් ගෝල 4-3 ක් ලෙස කඳාන මැසිනොද් විදුහල පරාජය කරන ලදි.
■    කොළඹ ඉසිපතන විදුහල විසින් දඬුවම් පහර 3-2 ක් ලෙස කොළඹ හින්දු විදුහල පරාජය කරන ලදි.
■    කොළඹ හමීඞ් අල් හුසේනි විදුහල විසින් ගෝල 7-0 ක් ලෙස කොළඹ ලුම්බිණි විදුහල පරාජය කරන ලදි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...