. නේමාර්ට ශල්‍යකර්මයක් | කෙළිමඬල
2019 මාර්තු මස 24 වැනි ඉරිදා
නේමාර්ට ශල්‍යකර්මයක්
2018-03-01 21:45:02 | .

බ්‍රසීලය සතු විශිෂ්ටතම ප්‍රහාරකයා වන නේමාර්ගේ පාදයක ශල්‍යකර්මයක් කිරීමට සිදුව තිබෙන බැවින් ඉදිරියේ එන මාස තුනක පමණ කාලයක් ඔහුට පාපන්දු පිටියෙන් ඉවත්ව සිටීමට සිදුවිය හැකි බව බ්‍රසීල කණ්ඩායමේ වෛද්‍යවරයා පවසයි.

පැරිස් ශාන්ත ජර්මෙන් (පී.එස්.ජී.) ක්‍රීඩා සමාජය වෙනුවෙන් ක්‍රීඩා කරන නේමාර් ප්‍රංශයේ වෘත්තීය පාපන්දු ලිගයට ක්‍රීඩා කරයි. පසුගිය ඉරිදා මාර්සේල් පිලට එරෙහිව පැවැති තරගයේදී නේමාර් සිය දකුණු පාදයේ අස්ථි පිපිරීමකට මුහුණ දුන්නේය. තරගයෙන් පී.එස්.ජී. ක්‍රීඩා සමාජය ජයගත් නමුත් නේමාර්ට දින කිහිපයක විවේකයක් ලැබිණ.

විවිධ ආකාරයේ පරීක්‍ෂණ සහ විකල්ප සලකා බැලීමෙන් පසුව පී.එස්.ජී. බලධාරීන් අවසන් මොහොතේදී තීරණය කළේ ලෝකයේ වඩාත්ම මිලැති ක්‍රීඩකයාගේ පාදයට සැත්කමක් කිරීම හැර වෙනත් විකල්පයක් නැති බවයි. තීරණයෙන් පසුව නේමාර් ආපසු සියරට බලා ගියේ ශල්‍යකර්මයකට මුහුණදීමේ අටියෙනි.

මේ වන විට ප්‍රංශ ලීග් තරගාවලියේ ඉදිරියෙන් සිටින්නේ පී.එස්.ජී. කණ්ඩායමයි. පී.එස්.ජී. පිලට එක්වූ දා පටන් මේ දක්වා පැවැති තරග 30 කට සහභාගි වූ නේමාර් එම තරග 30 දී ගෝල 25 ක් ලබාගත්තේය.

මෙම සැත්කම හේතුවෙන් ලබන සතියේදී පැවැත්වෙන ශූරයන්ගේ ලීග් තරගාවලියේ පෙර අර්ධ අවසන් පූර්ව වටයේ තරගය නේමාර්ට අහිමි වෙයි.

බ්‍රසීලයේ රියෝ ද ජැනෙයිරෝ නුවර ගුවන්තොටුපොළේදී නේමාර් බාරගත් බ්‍රසීල කණ්ඩායමේ වෛද්‍ය රොඞ්රිගෝ ලස්මාර් ප්‍රකාශ කළේ තත්ත්වයේ හැටියට වෙන කළ හැකි කිසිවක් නැති බවයි. මේ වසරේදී පැවැත්වෙන ලෝක කුසලාන පාපන්දු තරගාවලියට යන්තම් සති දෙකකට කලින්, එනම් ජූනි මාසයේදී,  නැවතත් පාපන්දු පිටියට පැමිණීමට නේමාර්ට අවස්ථාව ලැබෙනු ඇති බවද වෛද්‍ය රොඞ්රිගෝ මහතා පැවසීය.

“නේමාර්ටත් කණගාටුයි තමා. ඒත් ඔහුව හැකි ඉක්මනින් තරග සඳහා සූදානම් කිරීමට අපි උත්සාහ ගන්නවා” යයිද වෛද්‍ය රොඞ්රිගෝ මහතා පැවසීය.

මේ වන විට පස්වතාවක් ලෝක කුසලාන ජයගෙන ඇති බ්‍රසීල කණ්ඩායම 2018 ලෝක කුසලාන තරගාවලිය ආරම්භ කරන්නේ ස්විට්සර්ලන්ත පිලට එරෙහි තරගයෙනි. එම තරගය ජූනි මස 17 වැනිදා රුසියාවේ සොචී නුවරදී පැවැත්වෙයි.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...