. අවසන් පූර්ව වටයේ තරග ඉරිදා | කෙළිමඬල
2019 මාර්තු මස 24 වැනි ඉරිදා
අවසන් පූර්ව වටයේ තරග ඉරිදා
2018-03-02 18:30:56 | ශානුක අරවින්ද

ජනාධිපති කුසලාන ආරාධිත පාසල් පාපන්දු තරගාවලියේ අවසන් පූර්ව වටයට සුදුසුකම් ලබාගැනීමට කොටහේන ශාන්ත බෙනඩික්, මීගමුව මාරිස්ටෙලා, මරදාන සහිරා සහ කොළඹ හමීඞ් අල් හුසේනි යන විදුහල් සමත් විය.

තරගාවලියේ අවසන් පූර්ව තරග අනිද්දා (4 වැනිදා) පැවැත්වෙන අතර එහිදී සහිරා විදුහලට එරෙහිව මාරිස්ටෙලා විදුහලත්, හමීඞ් අල් හුසේනි විදුහලට එරෙහිව ශාන්ත බෙනඩික් විදුහලත් තරග වදිනු ඇත. එම තරග දෙක පිළිවෙලින් අනිද්දා පස්වරු 2.30 ට සහ පස්වරු 4.00 ට කොළඹ තුරඟ තරග පිටියේදී පැවැත්වීමට නියමිතය.

කොළඹ සිටි ලීග පාපන්දු ක්‍රීඩාංගණයේදී පැවැති අර්ධ අවසන් පූර්ව වටයේ තරගවලදී කොළඹ වෙස්ලි විදුහල පරාජය කරමින් ශාන්ත බෙනඩික් විදුහලද, කළුතර මුස්ලිම් විදුහල පරාජය කරමින් මීගමුව මාරිස්ටෙලා විදුහලද අවසන් පූර්ව වටයට සුදුසුකම් ලබාගත්තේය. මරදාන සහිරා සහ හමීඞ් අල් හුසේනි විදුහල් තරගාවලියේ අවසන් පූර්ව වටයට සුදුසුකම් ලබාගත්තේ අර්ධ අවසන් පූර්ව වටයේ තරගවලදී පිළිවෙලින් ගේට්වේ ජාත්‍යන්තර පාසල සහ කොළඹ ඉසිපතන විදුහල පරාජය කරමිනි.

අර්ධ අවසන් පූර්ව වටයේ තරගවලදී ගෝල ද්විත්වයක් ලබාගැනීමට සහිරා විදුහලේ මොහොමඞ් හම්මද් සමත් විය. සහිරා විදුහලේ එච්.ආර්. රාසා, හමීඞ් අල් හුසේනි විදුහලේ මොහොමඞ් රිස්හාන්, එස්.කේ. අබිෂායන් සහ මාර්ස්ටෙලා විදුහලේ ඩබ්ලිව්.ආර්. නිෂෝධ ගෝලය බැගින් ලබාගත්හ.

කොළඹ හමීඞ් අල් හුසේනි විදුහලේ 80 කණ්ඩායම, 11 වැනි වරටත් මෙම තරගාවලිය සංවිධානය කරන අතර ඔක්ස්ෆර්ඞ් ව්‍යාපාර සමූහය එහි ප්‍රධාන අනුග්‍රාහකයා ලෙස කටයුතු කරයි.


අර්ධ අවසන් පූර්ව වටයේ තරග ප්‍රතිඵල

■    කොටහේන ශාන්ත බෙනඩික් විදුහල විසින් දඬුවම් පහර 4-3 ක් ලෙස කොළඹ වෙස්ලි විදුහල පරාජය කරන ලදි.
■    මීගමුව මාරිස්ටෙලා විදුහල විසින් ගෝල 1-0 ක් ලෙස කළුතර මුස්ලිම් විදුහල පරාජය කරන ලදි.
■    මරදාන සහිරා විදුහල විසින් ගෝල 3-0 ක් ලෙස ගේට්වේ ජාත්‍යන්තර පාසල පරාජය කරන ලදි.
■    කොළඹ හමීඞ් අල් හුසේනි විදුහල විසින් ගෝල 2-0 ක් ලෙස කොළඹ ඉසිපතන විදුහල පරාජය කරන ලදි.

 

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...