. ශ්‍රී ලංකාව ස්ථාවර දස්කම් සොයයි | කෙළිමඬල
2018 සැප්තැම්බර් මස 25 වැනි අගහරුවාදා
ශ්‍රී ලංකාව ස්ථාවර දස්කම් සොයයි
2018-03-09 20:58:32 | .

වසරකට එක හමාරකට ඉහතදී ශ්‍රී ලංකා කණ්ඩායමට ප්‍රශ්න නම් ඕනෑවටත් වඩා තිබිණ. පුහුණුකරු කණ්ඩායම හැර ගියේය. නායකයා ඉල්ලා අස්විය. පාකිස්තානයට යන්නට බෑ කී නායකයා ඉවත් කර තවත් අයකු පත්කරනු ලැබිණ. එහෙත් ප්‍රතිඵල වෙනස් නොවීය.

“අපිට දැන් ක්‍රිකට් එපා වෙලා...අපි දැන් ක්‍රිකට් බලන්නේවත් නෑ” යයි ක්‍රීඩාලෝලීන් කීවේ ශ්‍රී ලංකා කණ්ඩායම දිගින් දිගටම පරාජයන් වැලකට මුහුණ දුන් බැවිනි. එහෙත් චන්දික හතුරුසිංහ මහතා ශ්‍රී ලංකා කණ්ඩායමේ පුහුණුකරුවා ලෙසින් පත්වී ආපසු සියල්ල ආපිට හැරුණේ ඇදහිය නොහැකි අයුරිනි.

බංග්ලාදේශයේදී පැවැති තුන්කොන් තරගාවලියත්, ටෙස්ට් තරගාවලිය මෙන්ම විස්සයි-20 තරගාවලියත් ජයගැනීමත් සමගින් ශ්‍රී ලංකා කණ්ඩායම අතහැර ගොස් සිටි කීර්තිය නැවතත් ඔවුන් සොයා ආවේය. නිදහස් කුසලාන තරගාවලියේ පළමු තරගයේදීම ඉන්දියාව පරාජය කිරීමට ශ්‍රී ලංකා කණ්ඩායම සමත් වූයේ නිත්‍ය නායක ඇන්ජලෝ මැතිව්ස් මෙන්ම තවත් ප්‍රබල ක්‍රීඩකයකු වන අසේල ගුණරත්නත් තුවාල ලබා සිටියදීය.

ශ්‍රී ලංකා කණ්ඩායම සහභාගි වන තරගයක් නැරඹීමේ නොතිත් ආශාවෙන් මඬනා ලද ක්‍රිකට් ලෝලීහු කොළඹ මේට්ලන්ඞ් පෙදෙසේ පිහිටි ශ්‍රී ලංකා ක්‍රිකට් මූලස්ථානය වටකරගෙන සිටි අයුරු ඊයේ දක්නට ලැබිණ. ශ්‍රී ලංකාව සහ බංග්ලාදේශය අතර හෙට (10 වැනිදා) පැවැත්වෙන තරගයේ සියලුම ප්‍රවේශපත් ඒ වන විටත් විකිණී හමාර වී තිබිණ. ක්‍රීඩා ලෝලීන්ට තදබදයකින් තොරව ආර්. ප්‍රේමදාස ක්‍රීඩාංගණයට ඇතුළු වීම සඳහා හෙට පස්වරු 3.00 සිට ගේට්ටු විවර කරන බවත් ශ්‍රී ලංකා ක්‍රිකට් ආයතනය නිවේදනය කළේය.

මාස දෙකක් ඇතුළත සියල්ල ආපසු හැරවීමේ රහස කුමක්ද ?

“මම නිතරම කියන කතාවක් තමයි අපේ කණ්ඩායමේ දක්‍ෂතා ඕනෑ තරම් තියනවා කියන එක. ප්‍රශ්නය තිබුණේ ක්‍රීඩකයන්ගේ මනසේ. මා හිතන්නේ හතුරු (පුහුණුකරු චන්දික හතුරුසිංහ මහතා) ඇවිත් හරි තැනින් ප්‍රශ්නය අල්ලා ගත්තා. එයා ක්‍රීඩකයන්ගේ මනස වෙනස් කළේ ක්‍රීඩකයන්ටම නිදහසේ හිතල වැඩ කරන්න දීමෙන්” යයි ශ්‍රී ලංකා කණ්ඩායමේ පන්දු යැවීමේ පුහුණුකරු රුමේෂ් රත්නායක මහතා පැවසීය.

නිදහස් කුසලාන තරගාවලියේදී ශ්‍රී ලංකාව සහ බංග්ලාදේශය අතර පැවැත්වීමට නියමිත තරගයට පෙර අද (9 වැනිදා) පැවැති පුවත් පත් සාකච්ඡාවේදී රුමේෂ් රත්නායක මහතා මේ බව කියා සිටියේය. රත්නායක මහතාගේ කියමනේ සත්‍යතාව මැන බැලීමට නම් ඉන්දියාවට එරෙහිව පැවති තරගයේ 12 වැනි ඕවරයේදී කුසල් ජනිත් පෙරේරා විසින් සුරේෂ් රයිනාගේ පන්දුවක් හමුවේ ගැසූ හයේ පහර දෙස හැරී බැලිය යුතුය. එය ටක්කෙටම නිවැරදිව ගැසූ නොපිට පහරක් විය.

“එතැන තියෙන්නේ බුද්ධිමත්ව හිතලා වෙනස් යමක් කිරීමයි. ඔහු ක්‍රීඩකයන්ට අවසර දුන්නේත් ඒකටමයි. කිසිවකු අසාර්ථක වෙන අවස්ථාවකදීත්...... ‘හරි, කමක් නෑ....ඒකත් ඇති. අපි ඊළඟ අවස්ථාවේදී උත්සාහ කරමු’ කියලා ඔහු කියයි” යයිද රත්නායක මහතා පැවසීය.

නිදහස් කුසලාන තරගාවලියේදී බංග්ලාදේශය මුණගැසීමට ශ්‍රී ලංකා කණ්ඩායම පිටියට පිවිසෙන්නේ තම තමන් කෙරේ එවන් ආත්ම විශ්වාසයක් ඇතිවය. එහෙත් ශ්‍රී ලංකා කණ්ඩායමේ තේමා පාඨය වන්නේ දස්කම් ස්ථාවරව පවත්වා ගැනීමයි.

එවන් තත්ත්වයක් යටතේ බංග්ලාදේශයට එරෙහිව හෙට පැවැත්වෙන තරගය ශ්‍රී ලංකා කණ්ඩායමට තවත් එක තරගයක් පමණි. එහෙත් බංග්ලාදේශයට නම් එය පහසු අභියෝගයක් නොවේ.

බංග්ලාදේශය ‘අසරණ වී ඇතැයි’ යන යෙදුමට රුමේෂ් රත්නායක එකඟ නැත.

“ඒ ඔබලාට පෙනෙන හැටි. ඒත් මම හිතන්නේ අපි එහාට (බංග්ලාදේශයට) ගිහින් වඩාත් හොඳට සෙල්ලම් කළා කියන එකයි.....සමහර විට ඔවුන් තරමක් ගල් බොරළු සහිත පාරක යනවා වෙන්න ඇති. ඒත් අපි නම් මේ තරගය සෙල්ලමකට බාරගන්නේ නෑ”

“මට හොඳටම විශ්වාසයි ඔවුන්ට උවමනා කරන්නේ තමන් වෙනදාට වඩා වෙනස් කණ්ඩායමක් කියලා අපට පෙන්වන්නයි. ඒත් අපිත් ඒකට සූදානම්” යයිද ශ්‍රී ලංකා පිලේ හිටපු පුහුණුකරුවකුද වන පැරණි වේග පන්දු යවන්නා පැවසීය.

ඉන්දියාවට එරෙහිව පැවැති තරගයේදී ලකුණු 175 ක ඉලක්කයක් හඹා ගියද තමන්ගේ පන්දු යවන්නන් දුන් ලකුණු ප්‍රමාණය තරමක් වැඩි බව පන්දු යැවීමේ පුහුණුකරුවා පිළිගනී. පන්දු යවන්නන් තම තමන්ගේ කාර්යභාරය වඩාත් හොඳින් හසුරුවාගැනීමට තවදුරටත් උගත යුතු බව ඔහු කියයි.

“අපේ පන්දු යැවීමේ අංශය තවදුරටත් දියුණු වෙන්න ඕනේ. මමත් හිතන්නේ එදා තරගයේදී අපි ලකුණු 15 ක් විතර වැඩිපුර දුන්නා. ඉන්දීය පන්දු යවන්නකු එක ඕවරයකදී දැඩි ප්‍රහාරයකට ලක්වුණාම ඔවුන් ආපසු තරගයට අවතීර්ණ වෙන්නේ කොහොමද කියලා අපිත් ටිකක් හොයලා බැලුවා...ඉගෙනගන්න ගොඩාක් දේවල් තියෙනවා” යයිද රත්නායක මහතා පැවසීය.

ඉන්දියාවට එරෙහිව පැවැති තරගයේ ශ්‍රී ලංකා ඉනිමේ තුන්වැනි ඕවරය යැවූ ශර්දුල් ඨාකූර් වමත් පිතිකරු කුසල් පෙරේරාගෙන් දැඩි ප්‍රහාරයකට ලක්වූ අතර ඔහුගේ ඕවරයෙන් ලකුණු 27 ක් ලබාගැනිණ. එහෙත් ඊට පසුව යැවුණු ඕවරයේදී ශ්‍රී ලංකා පිතිකරුවන්ට ගැසිය හැකි හැකිවූයේ එකම හතරේ පහරක්  පමණි.

කෙසේ වෙතත් නිදහස් කුසලාන තරගාවලියේ ප්‍රසාද ලකුණු පුවරුවේ පතුළටම වැටී සිටින බංග්ලාදේශය තරගයට පිවිසෙන්නේ තමන්ගේ උපරිම ශක්තියෙන් තරග වැදී හිස එසවීමේ අභිලාෂයෙනි. එහෙත් ඔවුන්ට තරග කිරීමට සිදුවන්නේ සුපුරුදු ශ්‍රී ලාංකිය ක්‍රිකට් රිද්මයට නැවතත් අවතීර්ණ වී සිටින කණ්ඩායමකට හෙට තරගයේදී ශ්‍රී ලංකා කණ්ඩායමේ අපේක්‍ෂාව වන්නේ බංග්ලාදේශය තලා දැමීම නොව, තමන්ට සුපුරුදු ක්‍රිකට් ක්‍රීඩාව කරගෙන යමින් එකිනෙකාගේ පෞද්ගලික දස්කම් වඩාත් ස්ථාවර මට්ටමක රඳවා ගැනීමයි. වඩාත් බුද්ධිමත් මෙන්ම නිපුණ ආකාරයෙන් තරග කිරීමයි.

ඔබේ ප්‍රතිචාර
chamika2018-03-14 10:01:22
සුරංග, චමීර කොච්චර පුහුණු කරත් ඔච්චර තමයි. මාලිංග, අජන්ත මැච්වලට දැම්මොත් හරි...

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
ඇෆ්ඝනිස්තානයට ලකුණු 136 ක ජයක්...
2018-09-20 21:20:50
  ආසියානු ක්‍රිකට් තරගාවලියේ හයවැනි තරගය ලෙස බංග්ලාදේශ සහ ඇෆ්ඝනිස්තාන් කණ්ඩායම් අතර අබුඩාබී ජාත්‍යන්තර ක්‍රිකට් ක...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...