. තෝමසුවෝ ග්‍රහණය දැඩිකරති | කෙළිමඬල
2018 අගෝස්තු මස 14 වැනි අගහරුවාදා
තෝමසුවෝ ග්‍රහණය දැඩිකරති
2018-03-09 20:45:30 | රොෂාන් ගුණරත්න

වමතින් පාදඟ පන්දු යවන ක්‍රීඩක මනුල පෙරේරාගේ විශිෂ්ඨ පන්දු යැවීම හමුවේ එස්.එස්.සී ක්‍රීඩාංගණයේදී පැවැත්වෙන 139 වැනි ‘නිල් මහ සටන’ වාර්ෂික ක්‍රිකට් තරගයේ පළමුව පන්දුවට පහරදුන් ගල්කිස්ස ශාන්ත තෝමස් විද්‍යාලයට කඩුලු 9 ක් දැවී රැස්කිරීමට හැකිවූයේ ලකුණු 166 ක් පමණි. තණතිල්ලේ පන්දුව හැසිරෙන ආකාරය අනුව තවත් දුරටත් පන්දුවට පහරදීමට වඩා පන්දු යැවීම යෝග්‍ය යැයි සිතූ ශාන්ත තෝමස් විද්‍යාලීය නායකයා පළමු ඉනිම අත්හිටුවීමට තීරණය කළේය.

ලකුණු 34 ක් රැස්කළ සිතාර හපුහින්න ශාන්ත තෝමස් විද්‍යාලය වෙනුවෙන් වැඩිම ලකුණු රැස්කළ පිතිකරුවා බවට පත්විය.

තරගයේ පළමු දිනය වූ අද (9 වැනිදා) ක්‍රීඩාව අවසන් වනවිට පළමු ඉනිම සඳහා පන්දුවට පහරදෙමින් සිටි කොළඹ රාජකීය විද්‍යාලයේ කඩුලු 3 ක් ලකුණු 33 ක් තුළ දවාගනිමින් තරගයේ වැඩි වාසී අත්කර ගැනීමට ශාන්ත තෝමස් පන්දු යවන්නෝ සමත්වූහ.

වමතින් පාදඟ පන්දු යවන ක්‍රීඩක කළණ පෙරේරා ලකුණු 13 කට කඩුලු 3 ක් දවාගනිමින් පන්දුවෙන් දස්කම් දැක්වීය. ශාන්ත තෝමස් විද්‍යාලය පළමු ඉනිමේදී රැස්කළ ලකුණු සංඛ්‍යාවට වඩා රාජකීය විද්‍යාලය තවත් ලකුණු 133 ක් පසුපසින් සිටී.

‘නිල් මහ සටන’ වාර්ෂික ක්‍රිකට් තරගය තුන්දින තරගයක් වන අතර හෙට (10 වැනිදා) තරගයේ දෙවැනි දිනයයි.

ශා.තෝමස් විද්‍යාලය - ඕවර 64.3 කදී කඩුලු 9 ක් දැවී ලකුණු 166
(සිතාර හපුහින්න 34, මන්තිල විජේරත්න 24, මනුල පෙරේරා 43/5)

රාජකීය විද්‍යාලය - ඕවර 15 කදී කඩුලු 3 ක් දැවී ලකුණු 33
(කළන පෙරේරා 16/3)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාවට තියුණු ජයක්...
2018-08-08 23:00:15
පල්ලෙකැළේ ක්‍රීඩාංගණයට පැමිණි ප්‍රේක්‍ෂකයන්ගේ බලාපොරොත්තු කඩ නොකළ ශ්‍රී ලංකා ක්‍රීඩකයෝ දකුණු අප්‍රිකාවට එරෙහිව අද ...
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...