. ද ලාසාල් කුසලාන තරගය කඳානේදී | කෙළිමඬල
2019 ජනවාරි මස 24 වැනි බ‍්‍රහස්පතින්දා
ද ලාසාල් කුසලාන තරගය කඳානේදී
2018-03-09 21:53:21 | ශානුක අරවින්ද

කඳාන ද මැසිනොද් විදුහල සහ කොටහේන ශාන්ත බෙනඩික් විදුහල අතර ‘ද ලාසාල් කුසලාන’ වෙනුවෙන් පැවැත්වෙන වාර්ෂික මහ ක්‍රිකට් තරගය හෙට (10 වැනිදා) සහ අනිද්දා (11 වැනිදා) කඳානේදී පැවැත්වේ.

වසර 6 කට පෙර දෙවිදුහල් අතර මෙම මහ ක්‍රිකට් තරගය ආරම්භ වූ අතර මේ දක්වා පැවැති තරගවලදී එක් ජයග්‍රහණයක් හෝ අත්කර ගැනීමට මැසිනොද් විදුහල සමත් වී නැත. ශාන්ත බෙනඩික් විදුහල අවසන් වරට මෙම තරගය ජයගෙන ඇත්තේ 20016 වසරේදීය.

මෙවර පාසල් ක්‍රිකට් තරග වාරයේදී තරග 13 කට සහභාගි වූ මැසිනොද් විදුහල, එහිදී කැලණිය ගුරුකුල විදුහලට එරෙහිව පූර්ණ ජයක් ලබාගෙන ඇති අතර මරදාන ශාන්ත ජෝෂප් විදුහලට සහ ගාල්ල මහින්ද විදුහලට එරෙහිව පූර්ණ පරාජයන් ලබා තිබේ.

ශ්‍රී ලංකා වයස 19 න් පහළ කණ්ඩායම නියෝජනය කිරීම නිසා මෙවර තරග වාරයේදී මැසිනොද් විදුහලට ක්‍රිෂාන් සංජුලගේ සහාය ලබාගැනීමට නොහැකි විය. නායක මිතිල ගීත්, සාලිය ජූඞ්, රොමාල් ප්‍රනාන්දු සහ පසිඳු රාජමුනින්ද්‍ර යන ක්‍රීඩකයෝ මැසිනොද් විදුහල වෙනුවෙන් කැපී පෙනෙන දස්කම් දැක්වූහ.

මෙවර තරග වාරයේදී මොරටු විද්‍යාලයට, අම්බලන්ගොඩ ධර්මාශෝක විදුහලට සහ ගම්පහ බණ්ඩාරනායක විදුහලට එරෙහිව පූර්ණ ජයග්‍රහණ ලැබූ ශාන්ත බෙනඩික් විදුහල, කොළඹ වෙස්ලි, මහනුවර ත්‍රිත්ව, කොළඹ ඩී.එස්. සේනානායක සහ මාතර ශාන්ත තෝමස් යන විදුහල් හමුවේ පූර්ණ පරාජයන් ලැබීය.

මතීෂ තීක්ෂණ, කවීෂ ජයතිලක, කඩුලු රකින ක්‍රීඩක ෂෙහාන් ප්‍රනාන්දු සහ වේග පන්දුයවන ක්‍රීඩක ප්‍රිත්වි ජෙගරාජසිංහම් යන ක්‍රීඩකයෝ මෙවර තරග වාරයේදී බෙනඩික් විදුහල වෙනුවෙන් සුවිශේෂී දස්කම් දැක්වූවෝ වෙති.

මැසිනොද් විදුහලේ ක්‍රීඩා සම්බන්ධිකාරක ලෙස කටයුතු කරන උප විදුහල්පති පුබුදු රාජපක්ෂ ගරු සහෝදරතුමන්ගේ මඟපෙන්වීම යටතේ එම විදුහලේ ක්‍රිකට් කමිටුව මෙවර මහ ක්‍රිකට් තරගය සංවිධානය කරයි. ද ලා සාල් නිකායේ ප්‍රාදේශීය පාලක ක්‍රිස්ටි කෲස් ගරු සහෝදරතුමන් මෙවර මහ තරගයේ ප්‍රධාන ආරාධිතයා වශයෙන් සහභාගි වෙයි.

ශාන්ත බෙනඩික් විදුහලේ අධ්‍යක්ෂ හෙන්රි දිසානායක ගරු සහෝදරතුමා, මැසිනොද් විදුහලේ අධ්‍යක්ෂ ජනක ෆොන්සේකා ගරු සහෝදරතුමා සහ හිටපු ටෙස්ට් ක්‍රිකට් ක්‍රීඩක චමින්ද වාස් විශේෂ ආරාධිතයන් ලෙස මෙවර තරගයට එක්වීමට නියමිතය.

කඳාන ද මැසිනොද් විදුහල් කණ්ඩායම

කොටහේන ශාන්ත බෙනඩික් විදුහල් කණ්ඩායම

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අවිශ්ක - මිලින්ද ‘ඒ’ පිල දිනවති...
2019-01-19 10:02:21
සංචාරක අයර්ලන්ත ‘ඒ’ කණ්ඩායම එරෙහිව සූරියවැව මහින්ද රාජපක්ෂ ජාත්‍යන්තර ක්‍රිකට් ක්‍රීඩාංගණයේදී අද (19 වැනිදා) පැවැත...
ක්‍රිකට් කාපාළුවෝ ක්‍රීඩා ඇමතිටත් අල්ලස් දෙන්න හදත...
2019-01-18 20:45:26
  ශ්‍රී ලංකා ක්‍රිකට් කණ්ඩායමට ක්‍රීඩකයන් ඇතුළත් කිරීම සඳහා තමන්ට අල්ලස් දීමට තැත්කළ අය පිළිබඳව ජාත්‍යන්තර ක්...
පැටර්සන් - ඩෝරන් ඕස්ට්‍රේලියානු පිල ඔසවා තබති ...
2019-01-17 05:20:22
සංචාරක ශ්‍රී ලංකා කණ්ඩායම සහ ඕස්ට්‍රේලියානු  ක්‍රිකට් ආයතන කණ්ඩායම අතර හෝබාට්හි බෙලෙරිව් ඕවල් ක්‍රීඩාංගණයේදී අද (1...
නුවන් ප්‍රදීප්ට ටෙස්ට් තරගාවලිය අහිමිවෙයි ...
2019-01-20 15:00:49
ඕස්ට්‍රේලියානු ක්‍රිකට් ආයතන කණ්ඩායමට එරෙහිව පැවැති තෙදින දිවා-රාත්‍රී පුහුණු තරගයේදී කලවේ ආබාධයකට ලක්වූ නුවන් ප්‍රදීප්ට ශ්...