. ශා. ජෝෂප් වාස් විදුහලට දැවැන්ත ජයක් | කෙළිමඬල
2018 මැයි මස 24 වැනි බ‍්‍රහස්පතින්දා
ශා. ජෝෂප් වාස් විදුහලට දැවැන්ත ජයක්
2018-03-11 21:46:31 | ශානුක අරවින්ද

වෙන්නප්පුව ශාන්ත ජෝෂප් වාස් විදුහල සහ හලාවත ශාන්ත මරියා විදුහල අතර පැවැති 9 වැනි ‘සහෝදරයන්ගේ සටන’ වාර්ෂික මහ ක්‍රිකට් තරගයට සමගාමීව කටුනේරිය ශාන්ත සෙබස්තියන් විදුහල් ක්‍රීඩාංගණයේදී අද (11 වැනිදා) පැවැති එක්දින තරගයෙන් ලකුණු 195 ක දැවැන්ත ජයක් අත්කර ගැනීමට ශාන්ත ජෝෂප් වාස් විදුහල සමත් විය.

ජයග්‍රහණය සඳහා ලකුණු 318 ක ඉලක්කයක් හඹාගිය ශාන්ත මරියා විදුහල් ඉනිම ඕවර 41.5 ක් අවසානයේ ලකුණු 122 කට සීමා කිරීමට ආකාෂ් කනිෂ්ක ප්‍රමුඛ ශාන්ත ජෝෂප් වාස් පන්දු යවන්නෝ සමත් වූහ.

එහිදී දක්ෂ පන්දු යැවීමක නිරත වූ ආකාෂ් කඩුලු 5 ක් දවාගත්තේ ප්‍රතිවාදීන්ට ලකුණු 25 ක් පමණක් පිරිනමමිනි. ශාන්ත මරියා විදුහල් ඉනිම අඩු ලකුණු සංඛ්‍යාවකට සීමා කිරීම සඳහා ආකාෂ්ට අනගි සහායක් දුන් ධනුෂ්ක නෙරංජන් ලකුණු 16 කට කඩුලු 3 ක් දවාගනිමින් පන්දුවෙන් දස්කම් දැක්වීය.

ධනුෂ්ක නෙරංජන්ගේ (81) දක්ෂ පිතිහරඹය හමුවේ කාසියේ වාසිය දිනා පළමුවෙන් පන්දුවට පහරදුන් ශාන්ත ජෝෂප් වාස් විදුහල ඕවර 50 අවසානයේ ලකුණු 317 ක් ලබාගත්තේය. තිලාන් ප්‍රදීප්ත ලකුණු 46 ක්ද, අංජන රුක්මාල් ලකුණු 36 ක්ද, නිපුන් ධනංජය 35 ක්ද රැස්කරමින් ජෝෂප් වාස් විදුහලේ ලකුණු සංඛ්‍යාව ඉහළ දැමූහ.

ශාන්ත ජෝෂප් වාස් විදුහල - ඕවර 50 කදී කඩුලු 9 ක් දැවී 317
(ධනුෂ්ක නෙරංජන් 81, තිලාන් ප්‍රදීප්ත 46, අංජන රුක්මාල් 36, නිපුන් ධනංජය 35, චාරුක තරිඳු 66/3, කල්ප යසස් 32/2, හෂේන් චාරුක 32/2)

ශාන්ත මරියා විදුහල - ඕවර 41.5 කදී සියලු දෙනා දැවී 122
(රොෂේන් මාධව 26, දිලුෂාන් ජයසේකර 21, ආකාෂ් කනිෂ්ක 25/5, ධනුෂ්ක නෙරංජන් 16/3)

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
චෙන්නායි පිල අවසන් තරගයට...
2018-05-22 18:53:38
හුදකලා සටනක නිරතවූ ෆැෆ් ඩු ප්ලේසීස්ගේ විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ අවසන් මහ තරගය සඳහා සුදුසුකම් ලබාගැනීමට චෙන්...
පන්දු නොයැවීමට මැතිව්ස්ගෙන් තීරණයක්...
2018-05-20 20:41:12
දීර්ඝ කාලීන අබාධිත තත්ත්වයට තිත තබමින් නැවතත් ඉක්මනින් ක්‍රීඩාකරන්න ලැබීම ගැන තමන් ඉතාමත් සතුටට පත්වූ බව ශ්‍රී ලංකා කණ්ඩායමේ හිටපු...