. ශ්‍රී ලංකා හොකී පිල ආසියානු ක්‍රීඩා උළෙලට | කෙළිමඬල
2018 අගෝස්තු මස 14 වැනි අගහරුවාදා
ශ්‍රී ලංකා හොකී පිල ආසියානු ක්‍රීඩා උළෙලට
2018-03-13 19:54:47 | ශානුක අරවින්ද

මේ වසරේ අගෝස්තු සහ සැප්තැම්බර් මාසවලදී ඉන්දුනීසියාවේ ජකර්තා නුවරදී පැවැත්වෙන ආසියානු ක්‍රීඩා උළෙල සඳහා සුදුසුකම් ලබාගැනීමට ශ්‍රී ලංකා හොකී කණ්ඩායම සමත් විය. මේ දින වල ඕමානයේ මස්කට් නුවරදී පැවැත්වෙන සුදුසුකම් ලබාගැනීමේ තරගාවලියේ අවසන් පූර්ව වටයට පිවිසෙමින් ශ්‍රී ලංකා කණ්ඩායම ආසියානු ක්‍රීඩා උළෙලට සහභාගි වීමේ වරම් දිනාගත්තේය.

මූලික වටයේදී ‘බී’ කාණ්ඩය යටතේ තරග වැදුණ ශ්‍රී ලංකාව, එහිදී කසකස්තානයට එරෙහිව ගෝල 6-0 ක ජයක්ද, චීන තායිපේට එරෙහිව ගෝල 4-1 ක ජයක්ද අත්කරගමින් තරගාවලියේ අවසන් පූර්ව වටයට සුදුසුකම් ලබාගත්තේය.

කසකස්තානයට එරෙහිව පැවැති තරගයේදී ධම්මික රණසිංහ ගෝල 2 ක්ද, රජිත කුලතුංග, අනුරුද්ධ සුරේෂ්, දමිත් බණ්ඩාර සහ සඳරුවන් ප්‍රියලංක ගෝලය බැගින්ද ලබාගත් අතර චීන තායිපේට එරෙහිව පැවැති තරගයේදී අනුරුද්ධ සුරේෂ් ගෝල 2 ක්ද, සඳරුවන් ප්‍රියලංක සහ ඉෂංක ජයසුන්දර ගෝලය බැගින්ද ලබාගත්හ.

මුලික වටයේදී ශ්‍රී ලංකාව පරාජයට පත් වූයේ සත්කාරක ඕමානයට එරෙහිව පැවැති තරගය පමණි. එම තරගයෙන් ශ්‍රී ලංකාවට ගෝල 5-1 ක පරාජයක් හිමි වූ අතර එහිදී අනුරුද්ධ සුරේෂ් ගෝලයක් ලබාගැනීමට සමත් විය.

තරගාවලියේ අවසන් පූර්ව තරග අනිද්දා (15 වැනිදා) පැවැත්වෙන අතර එහිදී ඉකුත් වසරේ ශූරයන් වූ බංග්ලාදේශයට එරෙහිව ශ්‍රී ලංකාවද, ඉකුත් වසරේ අනු ශූරයන් වූ ඕමානයට එරෙහිව හොංකොං හෝ තායිලන්තය කණ්ඩායම් දෙකන් එකක්ද තරග වැදීමට නියමිතය.

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාවට තියුණු ජයක්...
2018-08-08 23:00:15
පල්ලෙකැළේ ක්‍රීඩාංගණයට පැමිණි ප්‍රේක්‍ෂකයන්ගේ බලාපොරොත්තු කඩ නොකළ ශ්‍රී ලංකා ක්‍රීඩකයෝ දකුණු අප්‍රිකාවට එරෙහිව අද ...
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...