. ස්මිත් - වෝනර් ඉල්ලා අස්වෙති | කෙළිමඬල
2019 අපේ‍්‍රල් මස 26 වැනි සිකුරාදා
ස්මිත් - වෝනර් ඉල්ලා අස්වෙති
2018-03-25 18:35:18 | රොයිටර්/ඒ.එෆ්.පී

දකුණු අප්‍රිකාව සහ ඕස්ට්‍රේලියාව අතර කේප්ටවුන් නුවරදී පැවැත්වෙන තුන්වැනි ටෙස්ට් තරගයේදී පන්දුව පළුදු කිරීමේ චෝදනාව සම්බන්ධයෙන් වගකීම බාරගත් ඕස්ට්‍රේලියානු නායක ස්ටීවන් ස්මිත් සහ උපනායක ඩේවිඩ් වෝනර් දෙදෙනා වහාම ක්‍රියාත්මක වන පරිදි නායකත්වයෙන් ඉල්ලා අස්වී තිබේ. ඕස්ට්‍රේලියානු ක්‍රිකට් ආයතනය මේ බව අද (25) නිවේදනය කළ අතර පන්දුව පළුදු කිරීම සම්බන්ධයෙන් තමන් පරීක්‍ෂණයක් පවත්වන බවද ඕස්ට්‍රේලියානු ක්‍රිකට් ආයතනය නිවේදනය කළේය.

නායකයා මෙන්ම උපනායකයා යන දෙදෙනාම තනතුරු වලින් ඉවත්වීම නිසා කණ්ඩායමේ කඩුලු රකින්නා වන ටිම් පේන් ඕස්ට්‍රේලියානු කණ්ඩායම මෙහෙයවීමට පත්කර තිබේ. ටිම් පේන් 33 හැවිරිදි ක්‍රීඩකයෙකි.

තුන්වැනි ටෙස්ට් තරගයේ ඉතිරි කොටසේදී මෙන්ම තරගාවලියේ ඉතිරි කොටසේදීත් ඕස්ට්‍රේලියානු පිල මෙහෙයවීමට ටිම් පේන්ට බාරවී තිබේ.

පන්දුව පළුදු කිරීම සම්බන්ධයෙන් චෝදනා එල්ල වීමෙන් පසුව ඒ පිළිබඳ වගකීම බාරගත් ඕස්ට්‍රේලියානු නායකයා පැවසුවේ තමන් නායකයා වශයෙන් මහත් අපහසුතාවට පත්ව සිටින බවයි. ඕස්ට්‍රේලියානු පිලේ සිටින ළාබාළතම ක්‍රීඩකයා වන 25 හැවිරිදි කැමරන් බැන්ක්‍රොෆ්ට් පන්දුව පළුදු කිරීම සම්බන්ධයෙන් චෝදනා ලැබීය.

ඇළවෙන සුළු පටියක් සහ තණතීරුව මත ඇති මැටි සහිත පස උපයෝගී කරගනිමින් පන්දුව පළුදු කිරීමට ඔහු උත්සාහ දරා ඇතැයි අන්තර්ජාතික ක්‍රිකට් සභාව චෝදනා කර තිබිණ.

ස්මිත් පළමුව කීවේ තමන් නායකත්වයෙන් ඉල්ලා අස් නොවන බවයි. එහෙත් ඕස්ට්‍රේලියානු ක්‍රීඩා අධිකාරියේ සහ අනෙකුත් පර්ශ්වයන්හි පීඩනයෙන් පසුව ස්මිත් සහ වෝනර් දෙදෙනාම නායකත්වයෙන් ඉල්ලා අස්වූහ.

ඔහුගේ ඉල්ලා අස්වීමට ප්‍රධාන හේතුවක් වූයේ තරගයේ තුන්වැනි දිනය වූ සෙනසුරාදා (24 වැනිදා) පන්දුව පළුදු කිරීමේ උපාය මාර්ගය සැලසුම් කළේ තමන් බව ස්මිත් පිළිගැනීමයි.

සෙනසුරාදා දිවා ආහාරයෙන් පසුව කැමරන් බැන්ක්‍රොෆ්ට් සිය කලිසම් සාක්කුවෙන් කහ පැහැති යමක් ගෙන එය පන්දුවේ අතුල්ලන දර්ශන පටිගතවී තිබීම හේතුවෙන් ඕස්ට්‍රේලියානු අගමැති මැල්කම් ටර්න්බුල් මහතා ඇතුළු විශාල ප්‍රභූ පිරිසක් ස්මිත් නායකත්වයෙන් ඉවත් කළ යුතු යයි ප්‍රසිද්ධියේම පැවසූහ.

“කොහොම වුණත් මේ ටෙස්ට් තරගය පවත්වාගෙන යන්න ඕනෑ. ඒ නිසා අපි ටිම් පේන්ව නායකත්වයට පත්කරනවා. ඒත් සිද්ධිය ගැන අපි පරීක්‍ෂණයක් කරනවා” යයි ඕස්ට්‍රේලියානු ක්‍රිකට් ආයතනයේ ප්‍රධාන විධායක නිලධාරී ජේම්ස් සදර්ලන්ඞ් මහතා පැවසීය.

ස්ටීවන් ස්මිත් සහ ඩේවිඩ් වෝනර් දෙදෙනාම ටිම් පේන්ගේ නායකත්වය යටතේ ඊයේ (25) පිටියට පිවිසියහ.

දකුණු අප්‍රිකානු පුහුණුකරු ඔටිස් ගිබ්සන් මහතා ප්‍රකාශ කර සිටින්නේ මේ සම්බන්ධයෙන් අන්තර්ජාතික ක්‍රිකට් සභාව විසින් ගනු ලබන පියවර සම්බන්ධයෙන් සියලු දෙනාම ඉතා විමසිල්ලෙන් බලා සිටින  බවයි.

ක්‍රිකට් පිටියේදී සිදුවන මෙවැනි වංචා කිරීම් සම්බන්ධයෙන් අන්තර්ජාතික ක්‍රිකට් සභාව දැඩි පියවර ගනී. වසර 2001 දී පන්දුව අතේ නොමැතිව කඩුල්ල කඩා දමමින් පිතිකරුවකු දවාගැනීමට උත්සාහ කළ කොදෙව් කඩුලු රකින්නා වූ රිඞ්ලි ජේකබ්ස්ට තරග 3 ක තහනමක් පැනවීමට අන්තර්ජාතික ක්‍රිකට් සභාව තීරණය කළේය.

කේප් ටවුන් ටෙස්ට් තරගයේදී පළමුවෙන් පන්දුවට පහර දුන් දකුණු අප්‍රිකානු කණ්ඩායම ලකුණු 311 ක් ලබාගත් අතර ඊට පිළිතුරු වශයෙන් ඕස්ට්‍රේලියානුවන්ට ලබාගත හැකිවූයේ ලකුණු 255 ක් පමණි. මුල් ඉනිමේදී ලකුණු 56 ක අවාසියකට මුහුණ දුන් ඕස්ට්‍රේලියානුවෝ සෙනසුරාදා දිවා ආහාරය වන විටත් සත්කාරකයන්ට වඩා බොහෝ පසුපසින් සිටියේය.

සිය දෙවැනි ඉනිම වෙනුවෙන් පන්දුවට පහර දෙමින් සිටි දකුණු අප්‍රිකානු කණ්ඩායම සෙනසුරාදා දිවා ආහාරය වන විට කඩුලු 9 ක් අතැතිව ඕස්ට්‍රේලියාවට වඩා ලකුණු 121 ක් ඉදිරියෙන් සිටියේය. පන්දුව පළුදු කිරීමේ උත්සාහය ගනු ලැබුවේ එවන් තත්ත්වයක් තිබියදීය.

තරගයේ සිවුවැනි දිනය වන අද (25 වැනිදා) දකුණු අප්‍රිකානු පිල සිය දෙවැනි ඉනිම වෙනුවෙන් ලකුණු 373 ක් ලබාගත්තේය. තරගයෙන් ජයගැනීමට නම් ඕස්ට්‍රේලියානු කණ්ඩායම සිවුවැනි ඉනිමේදී ලකුණු 430 ක් ලබාගත යුතුව තිබේ.


දකුණු අප්‍රිකාව - පළමු ඉනිම 311
(ඩීන් එල්ගා 141, හසිම් අම්ලා 31, ඒ. බී. ඩිවිලියර්ස් 64, කගීසෝ රබාඩා 22, ජොස් හේසල්වුඞ් 59/2, නේතන් ලයන් 43/2, පැට් කමින්ස් 78/4)
ඕස්ට්‍රේලියාව - පළමු ඉනිම 255
(කැමරන් බැන්ක්‍රොෆ්ට් 77, ඬේවිඞ් වෝනර් 30, ෂෝන් මාෂ් 26, ටිම් පේන් නොදැවී 34, නේතන් ලයන් 47, ජොස් හේසල්වුඞ් 10, කගීසෝ රබාඩා 91/4, මෝර්නි මෝකල් 87/4)
දකුණු අප්‍රිකාව - දෙවැනි ඉනිම 373
(ඒඞ්න් මාක්රාම් 84, ඩීන් එල්ගා 14, හසිම් අම්ලා 31, ඒ.බී.ඩිවිලියර්ස් 63, ෆෆ් ඩු’ප්ලෙසි 20, ක්වින්ටින් ඩි’කොක් 65, වර්නන් ෆිලැන්ඩර් 52, කගීසෝ රබාඩා 20, ජොස් හේසල්වුඞ් 69/3, පැට් කමින්ස් 67/3, නේතන් ලයන් 102/3)

 

ඔබේ ප්‍රතිචාර
badur2018-03-26 00:23:28
ඒක ගොඩක් හොඳයි
බන්දුල අමරසිංහ2018-03-26 04:52:01
විදෙස් මාධ්‍යවල නම් තියෙන්නේ අස් කලා කියලා තිබුණේ

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
කෝලි බැංගලෝර් පිලට ජය ගෙනෙයි...
2019-04-19 20:34:34
විරාට් කෝලීගේ (100) විශිෂ්ට පිතිහරඹය හමුවේ ඉන්දීය ප්‍රිමියර් ලීග් ක්‍රිකට් තරගාවලියේ 35 වැනි තරගය ලෙස කොල්කටා නයිට්රයිඩර්ස් සහ රෝය...
පාන්ට්ගේ ප්‍රවේගකාරී ඉනිම දිල්ලි පිල දිනවයි ...
2019-04-22 23:55:04
රිෂාබ් පාන්ට්ගේ ප්‍රවේගකාරී පිතිහරඹය හමුවේ ඉන්දීය ප්‍රිමියර් ලීග් තරගාවලියේ 40 තරගය ලෙස රාජස්ථාන් රෝයල්ස් කණ්ඩායම සහ දිල්ලි කැපිටල...
බැංගලෝර් පිල සිවුවැනි ජය ලබයි...
2019-04-24 19:48:48
ඉන්දීය ප්‍රිමියර් ලීග් (අයි.පී.එල්.) විස්සයි20 ක්‍රිකට් තරගාවලියේ (2019) 42 වැනි තරගය ලෙස බැංගලෝර්හිදී අද (24) රාත්‍රී පැවැති ...
වොට්සන් චෙන්නායි පිලට ජය ගෙනෙයි...
2019-04-23 19:51:10
ෂේන් වොට්සන්ගේ (96) විශිෂ්ට පිතිහරඹය හමුවේ ඉන්දීය ප්‍රිමියර් ලීග් ක්‍රිකට් තරගාවලියේ 41 වැනි තරගය ලෙස චෙන්නායි සුපර් කිංග්ස් සහ සන...
විදූෂා තුන් පිම්ම ලෝකඩ පදක්කම දිනයි...
නියමයි සහෝදරිය.... ...
ලෝක කුසලාන තරගාවලියෙන් ප්‍රබලයෝ විසිවෙති...
ශ්‍රී ලංකා කන්ඩායමට සුබපතන්නද... පෘතුගීසි කන්ඩායමට සුබපතන්නද කියලා හිතාගන්න බෑ ...
මාලිංග ක්‍රිකට් පිටියෙන් සමුගනී ...
තේරීම් කමිටු සභාපති පවසන ආකයට මාලිංගගේ නායකත්වය කිසිම ගැටළුවක් නැතත් අනෙත් ක්‍රීඩකයන් සහයෝගය නොදෙක්වීමයි. රටක් නියෝජනය කරන අනෙත් ක්‍රීඩකයන් නායකයට සහය...
මාලිංග ක්‍රිකට් පිටියෙන් සමුගනී ...
රටට සෙල්ලම් කරන්න බැරි අය වැඩක් නෑ.....තමන්ගේ පෞද්ගලික හිතු මතේට මෙහෙම රටක්....  සෙල්ලම් කරන්න තරගෙකට බැහැ කියන එක මහ අමන වැඩක්..... රටේ සල්ලි...
මාලිංග ක්‍රිකට් පිටියෙන් සමුගනී ...
මාලිංග කරුණාකර මහජනතාවට පෙන්නන්න ඔබ තනතුරු සඳහා ගිජු පුද්ගලයෙක් නොවන බව....ලෝක කුසලාන තරගාවලිය සඳහා ඉදිරිපත් වී දක්ෂතා පෙන්වන්න. මහජනතාව ...