. සභාපති කුසලාන අවසන් තරගය අද | කෙළිමඬල
2018 සැප්තැම්බර් මස 20 වැනි බ‍්‍රහස්පතින්දා
සභාපති කුසලාන අවසන් තරගය අද
2018-04-01 15:33:07 | නාමල් පතිරගේ

සිටි ලීග සභාපති කුසලාන අන්තර් සමාජ පාපන්දු තරගාවලියේ අවසන් මහ තරගය සෝන්ඩර්ස් කණ්ඩායම හා කොළඹ කණ්ඩායම අතර අද (1 වැනිදා) පස්වරු 3.45ට කොම්පඤ්ඤවීදිය සිටි ලීග් පිටියේදී පැවැත්වේ.

දිවයිනේ වැඩිම ක්‍රීඩා සමාජ ගණනක් (24) නියෝජනය වන පාපන්දු ලීගයක් වන කොළඹ සිටි ලීගයේ ශූරයන්ගේ තරගාවලියේ මෙවරත් අවසන් මහ තරගයට තේරුණු කොළඹ කණ්ඩායම ගියවර තරගාවලියේ ශූරතාව දිනාගත් කණ්ඩායමයි. ඔවුන්ගේ මෙවර ප්‍රතිවාදීන් බවට පත්ව සිටින සෝන්ඩර්ස් ක්‍රීඩා සමාජය කලකට පසුව ප්‍රධානතම තරගාවලියක අවසන් මහ තරගයට ප්‍රවේශ වී සිටීම කැපී පෙනේ.

අවසන් පූර්ව වටයේදී සෝන්ඩර්ස් කණ්ඩායම විසින් වැල්ලවත්ත කුරේ (3-1) කණ්ඩායමද, කොළඹ කණ්ඩායම විසින් ගියවර අනුශූරතාව ද හිමිකර ගත් ජාවාලේන් කණ්ඩායම ද (4-1) පරාජය කරන ලදී. 

තරගාවලියේ මූලික වටයේදී ශූරයන්ගේ තරගාවලිය මෙවරත් ජය ගත් කොළඹ කණ්ඩායම සෝන්ඩර්ස් කණ්ඩායම (2/1) පරාජය වීම කැපී පෙනෙන සිදුවීමකි. ඒ අනුව තරගාවලියේදී එම දෙපිල එකිනෙකාට එරෙහිව ප්‍රතිවාදීන් ලෙස නැවත වතාවක් මුණගැසීම තවත් කැපී පෙනන සිදුවීමකි.

ශූරයන්ගේ තරගාවලිය ජය ගැනීමේදී කොළඹ කණ්ඩායමට විදේශීය ක්‍රීඩකයන්ද ඇතුළත්ව සිටියත්, තරග නීති රීති අනුව සිටි ලීග තරගාවලියට සහභාගි වන කණ්ඩායම් සඳහා විදේශීය ක්‍රීඩකයන් සහභාගි කිරීම වළක්වා තිබේ. 

ශූරයන්ට රුපියල් ලක්ෂ දෙකක්ද, අනු ශූරයන්ට රුපියල් ලක්ෂයක්ද ප්‍රදානය කෙරේ. කෙසේ වුවත් පසුගිය ශූරයන්ගේ තරගාවලියේදී අනු ශූරතාව හිමිකර ගත් රිනවුන් කණ්ඩායම මෙම තරගාවලියට සහභාගිවීමෙන් වැළකී සිටි බව සිටි පාපන්දු ලීගයේ ලේකම් එම්. ප්‍රේමදාස මහතා පැවසීය.

අද පැවැත්වෙන තරගයේදී කොළඹ කණ්ඩායමේ නායකයා ලෙස තිරාන් කනිෂ්ක ද, සෝන්ඩර්ස් කණ්ඩායමේ නායකයා ලෙස අනුශංඛ ද කටයුතු කරති.

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
ශ්‍රී ලංකාව හමුවේ බංග්ලාදේශයට දැවැන්ත ජයක්...
2018-09-15 21:25:10
ආසියානු කුසලාන ක්‍රිකට් තරගාවලියේ පළමු තරගය ලෙස ශ්‍රී ලංකාව සහ බංග්ලාදේශය අතර ඩුබායි ක්‍රීඩාංගයේදී අද (15 වැනිදා) පැවැති තරගයේ...
උඩපන්දුවේ සැඟවී ගිළිහුණු ජයක්...
2018-09-16 15:07:15
ඩුබායි  අන්තර්ජාතික ක්‍රිකට් ක්‍රීඩාංගණයේදී ඊයේ (15 වැනිදා) පැවැති ආසියානු කුසලාන ක්‍රිකට් තරගාවලියේ පළමු තරගයේදී බංග්ලාද...
ධනුෂ්ක එයි - ෂෙහාන් යයි...
2018-09-13 19:43:35
ඩුබායිහිදී අනිද්දා (15) ආරම්භ වන ආසියානු කුසලාන ක්‍රිකට් තරගාවලියට සහභාගි වන ශ්‍රී ලංකා පිලේ ප්‍රවේගකාරී පිතිකරු ධනුෂ්ක ගුණතිල...
මැතිව්ස් සමාව අයදී...
වැරදීම මිනිස් ගතියකි. වැරදීමට සමාවදීම දේව ගතියකි. එහි කිසිදු තර්කයක් නොමැත. අප ඔබලාට සමාව දෙන්නෙමු. නමුත් අප‍ට තිබෙන ගැටලුවලට නම් ඔබලා පිළිතුරු සපයන්...
මැතිව්ස් සමාව අයදී...
ඔක්කොටම ඉස්සෙල්ලා ටීම් එකෙන් ඉවත් කරන්න ඕනේ... මෙයාට ඕනේ සල්ලි විතරයි. රටට කුමක් වුවත් කමක් නැහැ. ...
උඩපන්දුවේ සැඟවී ගිළිහුණු ජයක්...
නොසැලකිල්ල නිසා අපරාදෙ අපි පැරදුණා. බැරිනම් නැවත ලංකාවට එන්න ඩිල්රුවන්... ...
ශ්‍රී ලංකාව හමුවේ බංග්ලාදේශයට දැවැන්ත ජයක්...
වහාම ඇන්ජලෝ මැතිව්ස් ඉවත් කරන්න. මොහු දැන් නායකත්වයට සුදුසු නැත. මීට වඩා හොඳයි ශ්‍රී ලංකා දැල්පන්දු කණ්ඩායමේ නායිකාව දැම්මා නම්... ...
බංග්ලාදේශයට හොඳ අභියෝගයක්...
මම නම් හිතන්නේ ඇෆ්ඝනිස්ථානය පෙරමුණට එයි කියලයි. ...