. දියගමින් ‘මහින්ද රාජපක්ෂ’ නම හැලෙයි | කෙළිමඬල
2018 ඔක්තෝබර් මස 16 වැනි අගහරුවාදා
දියගමින් ‘මහින්ද රාජපක්ෂ’ නම හැලෙයි
2018-04-02 11:35:02 | .

දියගම ‘මහින්ද රාජපක්‍ෂ’ ක්‍රීඩා සංකීර්ණය නවීකරණය කිරීමේදී එය මෙතැන් සිට දියගම ජාත්‍යන්තර ක්‍රීඩා සංකීර්ණය හා ජාතික ක්‍රීඩා ඇකඩැමිය ලෙස ව්‍යහාර කිරීමට ක්‍රීඩා අමාත්‍යාංශය තීරණය කර තිබේ.

එවකට ජනාධිපති ධුරය දැරූ මහින්ද රාජපක්‍ෂ මහතාගේ අදහසකට අනුව මහින්ද රාජපක්‍ෂ ක්‍රීඩා සංවර්ධන පදනමේ මෙහෙයවීමෙන් ඉදිවූ දියගම මහින්ද රාජපක්‍ෂ ක්‍රීඩා සංකීර්ණය වසර 2009 නොවැම්බර් මාසයේදී විවෘත කරනු ලැබීය.

එහි විශේෂත්වය වූයේ ශ්‍රී ලංකාවේ ක්‍රීඩාංගණයක ඉදිවූ දෙවැනි කෘත්‍රිම මලල ක්‍රීඩා ධාවන පථයෙන් එය සමන්විත වීමය. මීට පෙර ශ්‍රී ලංකා ගුවන් විදුලි සංස්ථාවේ දියගම විකාශනාගාරය ස්ථාපිතව තිබූ භූමි භාගය පසු කලෙකදී මෙලෙස දියගම මහින්ද රාජපක්‍ෂ ක්‍රීඩා සංකීර්ණය ලෙස සංවර්ධනය කෙරිණි.

ඒ සඳහා අක්කර 125 කින් පමණ සමන්විත භූමි භාගයේ අක්කර 45කට ආසන්න කොටසක් යොදා ගැනුණි. එහි ඉදිකිරීම් අතර ශ්‍රී ලංකාවට ආගන්තුකව තිබූ වෙලෝඩෘම් කෘත්‍රිම පාපැදි ධාවන පථයකින්ද සමන්විත විය.

කෙසේ වුවත් නියමිත ප්‍රමිතියට අනුකූල නොවන ඉදිකිරීමක් බවට පත්ව තිබූ එම පාපැදි ධාවන පථය පසුව කඩා දැමූ අතර පසුව එම ස්ථානයේ පිහිනුම් තටාකයක් ඉදි කෙරුණි.

මේ වන විට අබලන් තත්ත්වයට පත්ව තිබෙන දියගම ක්‍රීඩා සංකීර්ණයේ කෘත්‍රිම ධාවන පථය වෙනුවට අලුත් ධාවන පථයක් ක්‍රීඩා අමාත්‍යාංශයේ නව සංවර්ධන ව්‍යාපෘතිය යටතේ පළමුව එළීම ආරම්භ කෙරේ.

ක්‍රීඩා අමාත්‍යාංශයේ ඉදිරි දෙවසරක එහි සංවර්ධන ව්‍යාපෘතිය යටතේ අංගසම්පූර්ණ ජාතික ක්‍රීඩා විද්‍යායතනයක් (ඇකඩැමියක්) ද එහිදී ස්ථාපනය කෙරේ.

පසු කාලයේදී දියගම පිටියේ කෘත්‍රිම ධාවන පථයේ ප්‍රමිතිය පිළිබඳව කතාබහක් ඇති විය. එහෙත් සුගතදාස පිටියේ කෘත්‍රිම මලල ක්‍රීඩා ධාවන පථයේ අබලන්වීමත් සමඟ දිවයිනේ සියලු ප්‍රමුඛතම මලල ක්‍රීඩා තරග දියගම පිටියේ පැවැත්වීමට කටයුතු කිරීම තුළ එහි කෘත්‍රිම ධාවන පථයට වඩාත් වටිනාකමක් ලැබුණි.

ක්‍රීඩා අමාත්‍යාංශයේ ප්‍රකාශකයකු ‘ලංකාදීපයට’ පැවසුවේ දියගම ක්‍රීඩා සංකීර්ණයෙන් ‘මහින්ද රාජපක්‍ෂ’ නාමය ඉවත් කිරීමට ගත් තීරණයෙහි කිසිදු දේශපාලන ක්‍රියාදාමයක් නොමැති බවයි.

වසර 2020 දී ශ්‍රී ලංකාව දකුණු ආසියානු ක්‍රීඩා උළෙලේ සත්කාරය බාරගැනීමට සූදානම් වන අතර එයද සැළකිල්ලට ගනිමින් දියගම ක්‍රීඩා සංකීර්ණය මෙසේ ඉහළින් නවීකරණය කිරීමට වැඩිදුරටත් ක්‍රීඩා අමාත්‍යාංශය තීරණය කර තිබේ.

දියගම මහින්ද රාජපක්‍ෂ ක්‍රීඩා සංකීර්ණයේ සමස්ත ලංකා පාසල් ක්‍රීඩා උළෙලේ (2016) සමස්ත උත්සවයට සහභාගි වූ අධ්‍යාපන අමාත්‍ය අකිල් විරාජ් කාරියවසම් මහතා එදා ප්‍රකාශ කළේ දියගම ක්‍රීඩා සංකීර්ණය අධ්‍යාපන අමාත්‍යාංශයට පවරාගෙන සංවර්ධනය කිරීමට රජය තීරණය කර තිබෙන බවයි.

 

- 223

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...