. නරියාකන්ද සුපර්ක්‍රොස් 21 වැනිදා | කෙළිමඬල
2019 මාර්තු මස 20 වැනි බදාදා
නරියාකන්ද සුපර්ක්‍රොස් 21 වැනිදා
2018-04-02 14:36:33 | ශානුක අරවින්ද

දිවයිනේ ප්‍රධානතම මෝටර් රථ සහ යතුරුපැදි තරගාවලියක් වන ‘නරියාකන්ද සුපර්ක්‍රොස්’ තරගාවලිය 26 වැනි වරටත් ලබන අප්‍රේල් මස 21 වැනිදා උදෑසන 9.00 සිට දියතලාව, නරියාකන්ද ධාවන පථයේදී පැවැත්වේ. 

දක්ෂතම මෝටර් රථ රියදුරා සහ දක්ෂතම යතුරුපැදිකරුවා තෝරාගනු ලබන තරගද සමග මෝටර් රථ ඉසව් 12 කින් සහ යතුරුපැදි ඉසව් 12 කින් මෙවර තරගාවලිය සමන්විත වේ. මේ වන විටත් ක්‍රීඩකයන් 200 ක් පමණ තරගාවලිය සඳහා ලියාපදිංචි වී සිටින අතර ඉදිරියේදී එම සංඛ්‍යාව තවත් ඉහළ යනු ඇතැයි සංවිධායකයෝ බලාපොරොත්තු වෙති. 

ඉකුත් වසරේ පැවැති තරගාවලියේදී දක්ෂතම මෝටර් රථ රියැදුරා ලෙස සම්මාන දිනාගැනීමට අශාන් සිල්වා සමත් වූ අතර ඉෂාන් දසනායක එවර දක්ෂතම යතුරුපැදිකරුවා ලෙස සම්මාන ලැබීය. 

ශ්‍රී ලංකා යුද හමුදා විද්‍යාපීඨයේ යටිතල පහසුකම් වැඩිදියුණු කිරීමේ අරමුණින් යුද හමුදා විද්‍යාපීඨය, ක්‍රීඩා අධ්‍යක්ෂ ජනරාල්වරායාගේ මූලිකත්වයෙන් යුත් කමිටුවක් සමග එක්ව මෙම තරගාවලිය සංවිධානය කරයි. ශ්‍රී ලංකා මෝටර් රථ ක්‍රීඩා මව් සංගමට අනුබද්ධිත සංගම් සහ ක්‍රීඩා සමාජවල නියෝජිතයින් මෙන්ම ශ්‍රී ලංකා යතුරුපැදි සම්මේලනයට අනුබද්ධිත සංගම් සහ ක්‍රීඩා සමාජවල නියොජිතයින්ගෙන්ද එම කමිටුව සමන්විත වේ. 

මෙවර තරගාවලියේ ප්‍රධාන අනුග්‍රාහකයා ලෙස ප්‍රීමා සමාගම කටයුතු කරන අතර එහි මුද්‍රිත මාධ්‍ය අනුග්‍රහය විජය පුවත්පත් සමාගම වෙතිනි. 

ප්‍රීමා සමාගමේ නියෝජිතයින් යුද හමුදා විද්‍යාපීඨ ආඥාපති බ්‍රිගේඩියර් ප්‍රියන්ත සේනාරත්න මහතාට අනුග්‍රාහක චෙක්පත ප්‍රධානය කළ අයුරු 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
උදානගේ හුදෙකලා පිතිහරඹය අපතේ යයි...
2019-03-13 16:29:32
  ශ්‍රී ලංකාවට එරෙහිව පෝට් එලිසබෙත්හිදී අද (13 වැනිදා) පැවැති සිවුවැනි එක්දින තරගයෙන් කඩුලු 6 ක පහසු ජයක් අත්කර ගැනීමට දකුණු අප...
ශ්‍රී ලංකාව 5-0 කින් එක්දින තරගාවලිය පරදී...
2019-03-16 21:00:46
ටෙස්ට් තරගාවලිය පරාජය වී සති තුනක් යාමටත් මත්තෙන් එහි වාඩුව ගත් දකුණු අප්‍රිකානුවෝ ශ්‍රී ලංකාවට එරෙහිව පැවැති එක්දින තරගාවලියේදී 5...
හතුරුසිංහ ආපසු කැඳවයි...
2019-03-14 16:31:50
දකුණු අප්‍රිකාවේදී දැන් පැවැත්වෙන තරග සංචාරයේ විස්සයි20 ක්‍රිකට් තරගාවලිය ආරම්භ වීමට පෙර ශ්‍රී ලංකා ක්‍රිකට් පිලේ ප්‍ර...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...