. කොල්කටා පිලට කඩුලු 4 ක ජයක් | කෙළිමඬල
2018 සැප්තැම්බර් මස 25 වැනි අගහරුවාදා
කොල්කටා පිලට කඩුලු 4 ක ජයක්
2018-04-09 17:31:42 | .

ඉන්දීය ප්‍රිමියර් ලීග් තරගාවලියේ (2018) තෙවැනි තරගය ලෙස බැංගලෝර් රෝයල් චැලේන්ජර්ස් කණ්ඩායම සහ කොල්කටා නටයිට්රයිඩර්ස් කණ්ඩායම අතර කොල්කටාහිදී ඊයේ (8 වැනිදා) පැවැති තරගයෙන් කඩුලු 4 ක ජයක් අත්කර ගැනීමට කොල්කටා නටයිට්රයිඩර්ස් කණ්ඩායම සමත් විය.

ජයග්‍රහණය සඳහා ලකුණු 177 ක ඉලක්යක් හඹාගිය කොල්කටා ක්‍රීඩකයෝ පන්දු 7 ක් ඉතිරිව තිබියදී කඩුලු 6 ක් දැවී එම ඉලක්කය සපුරාගත්හ. නායකත්වයේ ඉනිමක් ක්‍රීඩා කළ දිනේෂ් කාර්තික් පන්දු 29 කදී හතරේ පහර 4 ක් සමග නොදැවී ලකුණු 35 ක් රැස්කරමින් සිය කණ්ඩායම ජයග්‍රහණය කරා ගෙන ගියේය.

නිටිෂ් රානා (34) සමග එක්ව කොල්කටා කණ්ඩායමේ සිවුවැනි කඩුල්ල වෙනුවෙන් පන්දු 42 කදී ලකුණු 55 ක සම්බන්ධතාවක් ගොඩනැගීමටද කාර්තික් සමත් විය. පන්දු 25 කට මුහුණදුන් රානා හයේ පහර 2 කින් සහ හතරේ පහර 2 කින් සිය ඉනිම අලංකාර කළේය.

 ප්‍රවේගකාරී පිතිහරඹයක නිතර වූ ආරම්භක පිතිකරු සුනිල් නරේන් පන්දු 19 කදී හයේ පහර 5 ක් සහ හතරේ පහර 4 ක් සමග ලකුණු 50 ක් රැස්කරමින් කොල්කටා කණ්ඩායමේ ජයග්‍රහණය සඳහා මනා අඩිතාලමක් දැමීය.
 
බැංග්ලෝර් කණ්ඩායම වෙනුවෙන් දක්ෂ පන්දු යැවීමක නිරත වූ ක්‍රිස් වෝක්ස් ලකුණු 36 කට කඩුලු 3 ක් දවාගත් අතර ඔහුට අනගි සහයක් දුන් උමේෂ් යාදව් ලකුණු 27 කට කඩුලු 2 ක් දවාගත්තේය. කෙසේ වුවත් බැංග්ලෝර් කණ්ඩායම පරාජයෙන් ගළවාගැනීමට ඔවුන් දෙදෙනා අපොහොසත් වූහ.

පළමුවෙන් පන්දුවට පහරදුන් බැංගලෝර් රෝයල් චැලේන්ජර්ස් කණ්ඩායම නියමිත ඕවර 20 අවසානයේ කඩුලු 7 ක් දැවී ලකුණු 176 ක් රැස්කළේය. බැංගලෝර් කණ්ඩායමට සාර්ථක ආරම්භයක් ලබාදුන් බ්‍රෙන්ඩන් මැකලම් පන්දු 27 කදී හයේ පහර 2 ක් සහ හතරේ පහර 6 ක් සමගින් ලකුණු 43 ක් රැස්කළේය.

බැංගලෝර් ඉනිමේ තෙවැනි කඩුල්ල වෙනුවෙන් පන්දු 36 කදී ලකුණු 64 ක සම්බන්ධතාවක් ගොඩනැගීමට නායක විරාට් කෝලි (31) සහ ඒ.බී. ඩිවිලියස් (44) සමත් වූහ. පන්දු 33 කදී වාර්තා වූ කොලිගේ ඉනිම හයේ පහරකින් සහ හතරේ පහරකින් සමන්විත වූ අතර පන්දු 23 කදී වාර්තා වූ ඩිවිලියස්ගේ ඉනිමට හයේ පහරක් සහ හතරේ පහර 5 ක් ඇතුළත් විය.

ඉනිමේ අවසන් ඕවර කිහිපයේදී වේගවත් පිතිහරඹයක නිරත වූ මන්දීප් සිං පන්දු 18 කදී ලකුණු 37 ක් රැස්කළේ හයේ පහර 2 ක් සහ හතරේ පහර 4 ක්ද සමගිනි.

විනේ කුමාර් සහ නිටිෂ් රානා කඩුලු 2 බැගින් දවාගනිමින් කොල්කටා කණ්ඩායම වෙනුවෙන් පන්දුවෙන් දස්කම් දැක්වූහ.


බැංගලෝර් රෝයල් චැලේන්ජර්ස් පිල - ඕවර 20 කදී කඩුලු 7 කට 176
(බ්‍රෙන්ඩන් මැකලම් 43, විරාට් කෝලි 31, ඒ.බී. ඩිවිලියස් 44, මන්දීප් සිං 37, නිටිෂ් රානා 11/2, විනේ කුමාර් 30/2)

කොල්කටා නටයිට්රයිඩර්ස් පිල - ඕවර 18.5 කදී කඩුලු 6 කට 177
(සුනිල් නරේන් 50, නිටිෂ් රානා 34, දිනේෂ් කාර්තික් නොදැවී 35, ඔන්ඩි්‍ර රසල් 15, ක්‍රිස් වෝක්ස් 36/3, උමේෂ් යාදව් 27/2)


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකාව ආසියානු කුසලාන තරගාවලියෙන් ඉවතට...
2018-09-18 00:20:17
ආසියානු කුසලාන ක්‍රිකට් තරගාවලියේ තෙවැනි තරගය ලෙස ශ්‍රී ලංකාව සහ ඇෆ්ගනිස්ථානය අතර අබුඩාබිහි ශෙයික් සයිඞ් ක්‍රීඩාංගණයේදී අද (17...
කුසල් මෙන්ඩිස්ගේ භූමිකාව සොයමු...
2018-09-20 14:43:14
පිටිය සිසාරා පහර එල්ල කරමින් ලකුණු ලබාගත හැකි මනා තාක්ෂණයකින් යුත් අග්‍රගණයේ පිතිකරුවකු ලෙස කුසල් මෙන්ඩිස් හැඳින්විය හැකිය. ඒ හේතුව නි...
තිලකරත්න ඩිල්ෂාන් ...
2018-09-20 13:16:06
“මම යුනිචෙලා පිලට සෙල්ලම් කරන නිසා මම කොහොමත් පුහුණුවීම් කරනවා.  “මම ක්‍රීඩාවෙන් අයින් වුණේ 2019 ලෝක කුසලාන තරගාවලිය සම්පූර්...
ඇෆ්ඝනිස්තානයට ලකුණු 136 ක ජයක්...
2018-09-20 21:20:50
  ආසියානු ක්‍රිකට් තරගාවලියේ හයවැනි තරගය ලෙස බංග්ලාදේශ සහ ඇෆ්ඝනිස්තාන් කණ්ඩායම් අතර අබුඩාබී ජාත්‍යන්තර ක්‍රිකට් ක...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...
තිලකරත්න ඩිල්ෂාන් ...
ඇත්තටම හොඳයි... වැඩක් ගන්න පුළුවන් කෙනෙක්... ...