. ධවාන් - විලියම්සන් හයිද්‍රාබාද් පිල දිනවති | කෙළිමඬල
2018 අගෝස්තු මස 16 වැනි බ‍්‍රහස්පතින්දා
ධවාන් - විලියම්සන් හයිද්‍රාබාද් පිල දිනවති
2018-04-09 20:22:17 | .

ඉන්දීය ප්‍රිමියර් ලීග් තරගාවලියේ (2018) සිවුවැනි තරගය ලෙස සන්රයිසස් හයිද්‍රාබාද් කණ්ඩායම සහ රාජස්ථාන් රෝයලස් කණ්ඩායම අතර හයිද්‍රාබාද්හිදී අද (9 වැනිදා) පැවැති තරගයෙන් කඩුලු 9 ක ජයක් අත්කර ගැනීමට සන්රයිසස් හයිද්‍රාබාද් කණ්ඩායම සමත් විය.

ලකුණු 126 ක ජයග්‍රාහී ඉලක්කයක් හඹාගිය හයිද්‍රාබාද් කණ්ඩායම ඕවර 15.5 ක් අවසානයේ එක් කඩුල්ලක් පමණක් දැවී එම ඉලක්කය පසුකර ගියේය. ආරම්භක පිතිකරු ශිකර් ධවාන් (නොදැවී 77) සහ නායක කේන් විලියම්සන් (නොදැවී 36) එක්ව දෙවැනි කඩුල්ල වෙනුවෙන් පන්දු 86 කදී ලකුණු 121 ක නොබිදුණ සම්බන්ධතාවක් ගොඩනගමින් හයිද්‍රාබාද් කණ්ඩායම ජයග්‍රහණය කරා ගෙන ගියහ.

පන්දු 57 කදී වාර්තා වූ ධවාන්ගේ අර්ධ ශතකය හයේ පහරකින් සහ හතරේ පහර 13 කින් සමන්විත වූ අතර පන්දු 35 කදී වාර්තා වූ විලියම්සන්ගේ ඉනිමට හයේ පහරක් සහ හතරේ පහර 3 ක් අතුළත් විය.

තරගයේ කාසියේ වාසිය දිනූ හයිද්‍රාබාද් කණ්ඩායමේ නායක කේන් විලියම්සන්ගේ ආරාධනයෙන් පළමුවෙන් පන්දුවට පහරදුන් රාජස්ථාන් රෝයල්ස් කණ්ඩායම නියමිත ඕවර 20 අවසානයේ කඩුලු 9 ක් දැවී ලකුණු 125 ක් ලබාගත්තේය.

රාජස්ථාන් ඉනිමේ වැඩිම ලකුණු ලාභියා බවට පත් වූ සංජු සැම්සන් පන්දු 42 කදී හතරේ පහර 5 ක් සමගින් ලකුණු 49 ක් රැස්කළ අතර අර්ධ ශතකය පෙනි පෙනී සිටියදී සකීබ් අල් හසන්ගේ පන්දුවක් හමුවේ රෂිඞ් ඛාන් අතට උඩපන්දුවක් දෙමින් දැවී ගියේය.

රාජස්ථාන් පිතිකරුවන් 5 දෙනෙක්ම ලකුණු 10 සීමාව ඉක්මවා යෑමට පෙර පිටියෙන් ඉවත් කිරීමට හයිද්‍රාබාද් පන්දු යවන්නෝ සමත් වූහ. එහිදී දක්ෂ පන්දු යැවීමක නිතර වූ සිද්ධාර්ත් කෞල් සහ සකීබ් අල් හසන් කඩුලු 2 බැගින් දවාගත්හ.


රාජස්ථාන් රෝයලස් පිල - ඕවර 20 කදී කඩුලු 9 ක් දැවී 125
(සංජු සැම්සන් 49, ශ්‍රෙයාස් ගෝපාල් 18, රාහුල් ටි්‍රපාති 17, සිද්ධාර්ත් කෞල් 17/2, ශකීබ් අල් හසන් 23/2)

සන්රයිසස් හයිද්‍රාබාද් පිල - ඕවර 15.5 කදී කඩුල්ලක් දැවී 127
(ශිකර් ධවාන් නොදැවී 77, කේන් විලියම්සන් නොදැවී 36)


- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...