. ගාල්ල - දඹුල්ල තරගයට වැස්ස හරස් වෙයි | කෙළිමඬල
2018 අගෝස්තු මස 16 වැනි බ‍්‍රහස්පතින්දා
ගාල්ල - දඹුල්ල තරගයට වැස්ස හරස් වෙයි
2018-04-09 22:43:40 | ශානුක අරවින්ද

අන්තර් පළාත් සිවුදින ක්‍රිකට් තරගාවලියේ ගාල්ල කණ්ඩායම සහ දඹුල්ල කණ්ඩායම අතර රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වෙන දිවා-රාත්‍රී තරගයේ දෙවැනි දිනය වූ අද (9 වැනිදා) වැස්සන් බාධා එල්ලවීම නිසා යැවිය හැකිය වූයේ පන්දු 19 ක් පමණි.

දෙවැනි දිනය සඳහා තරගය නතර කරන විට පන්දුවට පහරදෙමින් සිටි ගාල්ල කණ්ඩායම සිය පළමු ඉනිම වෙනුවෙන් කඩුලු 2 ක් දැවී ලකුණු 50 ක් ලබා සිටියේය. ඒ වන විට ආරම්භක පිතිකරු මාධව වර්ණපුර් ලකුණු 19 ක්ද, උපුල් තරංග ලකුණු 8 ක්ද ලබා නොදැවී කඩුල්ලේ රැදී සිටියහ.

පළමු දිනය වූ ඊයේ (8 වැනිදා) පස්වරුවේදී ගාල්ල කණ්ඩායමේ ආරම්භක පිතිකරු ළහිරු මිලන්ත (9) සහ රාත්‍රී මුරකරු පිතිකරු ලෙස පිටියට පිවිසි මාලින්ද පුෂ්පකුමාර (12) පිටියෙන් ඉවත් කිරීමට දඹුල්ල කණ්ඩායමේ ආරම්භක පන්දු යවන්නන් දෙදෙනා වූ ළහිරු ගමගේ සහ විමුක්ති පෙරේරා සමත් වූයේ සචිත්‍ර සේනානායකගේ සහායද ඇතිවය. ඊයේ තරගය නතර කරන විට විට කඩුලු 2 ක් දැවී ලකුණු 38 ක් ලබා සිටි ගාල්ල කණ්ඩායම අද දිනයේදී ක්‍රියාත්මක කෙරුණ ඕවර 3.1 තුළදී ලකුණු 12 ක් ලබාගත්තේය.

කාසියේ වාසිය දිනා පළමුවෙන් පන්දුවට පහරදුන් දඹුල්ල කණ්ඩායම සිය පළමු ඉනිම වෙනුවෙන් සියලු දෙනා දැවී ලකුණු 244 ක් ලබා ගත්තේය. එහිදී දඹුල්ල කණ්ඩායමේ එකම අර්ධ ශතක ලාභියා බවට පත්වූ කුසල් මෙන්ඩිස් හතරේ පහර 12 ක් සමග ලකුණු 89 ක් රැස්කළේය.

දක්ෂ ලෙස පන්දුවට පහර දෙමින් සිටියදී නිසල තාරකගේ පන්දුවක් හමුවේ මාලින්ද පුෂ්පකුමාර අතට උඩ පන්දුවක් දෙමින් දැවී යෑම නිසා කුසල්ට ශතකයක් කරා යෑමට තිබූ අවස්ථාව මඟහැරී ගියේය.

ළහිරු මධුෂංක ලකුණු 26 ක්ද, රංගන හේරත් ලකුණ් 25 ක්ද, අෂාන් ප්‍රියංජන් සහ මිලින්ද සඳරුවන් ලකුණු 24 බැගින්ද රැස්කරමින් දඹුල්ල ඉනිමේ ලකුණු සංඛ්‍යාව ඉහළ දැමීම සඳහා කුසල්ට අනගි සහායක් දුන්හ.
 
ගාල්ල කණ්ඩායම වෙනුවෙන් දක්ෂ පන්දු යැවීමක නිතර වූ චතුරංග ද සිල්වා ලකුණු 31 කට කඩුලු 3 ක් දවාගත් අතර නිසල තාරක සහ මාලින්ද පුෂ්පකුමාර කඩුලු 2 බැගින් දවාගනිමින් පන්දුවෙන් දස්කම් දැක්වූහ.


දඹුල්ල පළමු ඉනිම - සියලු දෙනා දැවී 244
(කුසල් මෙන්ඩිස් 89, ළහිරු මධුෂංක 26, රංගන හේරත් 25, අෂාන් ප්‍රියංජන් 24, මිලින්ද සඳරුවන් 24, මනෝජ් සරත්චන්ද්‍ර 19, චතුරංග ද සිල්වා 31/3, මාලින්ද පුෂ්පකුමාර 30/2, නිසල තාරක 54/2)

ගාල්ල පළමු ඉනිම - කඩුලු 2 ක් දැවී 50
(මාධව වර්ණපුර නොදැවී 19)

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ශ්‍රී ලංකා නැඟී එන පිලට දැවැන්ත ජයක් ...
2018-08-09 10:05:34
දිමුත් කරුණාරත්න (125) සහ සධීර සමරවික්‍රමගේ (141) විශිෂ්ට පිතිහරඹයත්, නිෂාන් පීරිස්ගේ (36/5) විශිෂ්ට පන්දු යැවීමත් හමුවේ සංචාරක දකුණු ...
අකිල ධනංජය දකුණු අප්‍රිකාව වනසයි...
2018-08-12 21:20:44
කොළඹ ආර්. ප්‍රේමදාස ක්‍රීඩාංගණයේදී අද (12 වැනිදා) පැවැති  පස්වැනි සහ අවසන් එක්දින තරගයේදී අකිල ධනංජය (29/6) කළ අති විශිෂ්ට පන...
ශ්‍රී ලංකා නැඟී එන කණ්ඩායම තරගාවලිය ජයගනී...
2018-08-11 18:00:13
චරිත් අසලංක (69), කමිඳු මෙන්ඩිස් (54) සහ අසේල ගුණරත්නගේ (57) පිතිහරඹයන් හමුවේ දකුණු අප්‍රිකානු නැඟී එන කණ්ඩායමට එරෙහිව රංගිරි දඹුල්ල ජ...
චන්දිමාල් ශ්‍රී ලංකාව ජයටැඹ කරා ගෙනයයි...
2018-08-14 20:09:14
ඉතා තියුණු තරගයකින් අනතුරුව දකුණු අප්‍රිකානු කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (14 වැනිදා) පැවැති විස්සයි2...