. ශ්‍රී ලංකා ක්‍රීඩක ක්‍රීඩිකාවෝ දෙවැනි වටයට | කෙළිමඬල
2018 දෙසැම්බර් මස 14 වැනි සිකුරාදා
ශ්‍රී ලංකා ක්‍රීඩක ක්‍රීඩිකාවෝ දෙවැනි වටයට
2018-04-10 19:46:44 | .

විසි එක්වැනි පොදු රාජ්‍ය මණ්ඩලීය ක්‍රීඩා උළෙලේ හයවැනි දිනය වූ අද (10 වැනිදා) පැවැති බැඩ්මින්ටන් ඉසව්වල මූලික තරගවලට සහභාගි වූ ශ්‍රී ලංකා ක්‍රීඩක ක්‍රීඩිකාවන් සියලු දෙනාම එහිදී ජයග්‍රහණ ලබා දෙවැනි වටවලට සුදුසුකම් ලබාගත්හ.

පිරිමි කේවල ඉසව්වට සහභාගි වූ බුවනෙක ගුණතිලක, නිලූක කරුණානායක සහ දිනූක කරුණානායක යන ක්‍රීඩකයන් ඔවුන් තරග වැඳුණ මූලික වටයේ තරගවලදී පිළිවෙලින් පාකිස්තාන, ෆෝක්ලන්ඞ් දූපත් සහ සීශෙල්ස් ක්‍රීඩකයන් පරාජය කළහ.

අද පැවැති කාන්තා කේවල ඉසව්වේ මූලික වටයට සහභාගි වූ එකම ශ්‍රී ලංකා ක්‍රීඩිකව වූ හසිනි අම්බලන්ගොඩ එහිදී ජර්සි දූපත්හි එමිලි රෙඞ්ෂොව් පරාජය කරමින් දෙවැනි වටයට සුදුසුකම් ලබාගත්තාය.

සචින් ඩයස් සහ තිළිණි හෙන්ඳහේවා උගන්ඩා කණ්ඩායම පරාජය කරමින්ද, බුවනෙක ගුණතිලක සහ කවිඳි සිරිමාන්නගේ ගයානා කණ්ඩායම පරාජය කරමින්ද මිශ්‍ර යුගල ඉසව්වේ දෙවැනි වටයට සුදුසුකම් ලබාගත්හ.

පිරිමි කේවල මූලික වටය

  • බුවනෙක ගුණතිලක (ශ්‍රී ලංකාව) විසින් වට 2-0 ක් ලෙස මුරාද් අලී (පාකිස්තානය) පරාජය කරන ලදි. (21/16, 21/19)
  • නිලූක කරුණානායක (ශ්‍රී ලංකාව) විසින් වට 2-0 ක් ලෙස ක්‍රිස්ටෝපර් අයිනෝන් (ෆෝක්ලන්ඞ් දූපත්) පරාජය කරන ලදි. (21/8, 21/7)
  • දිනූක කරුණානායක (ශ්‍රී ලංකාව) විසින් වට 2-0 ක් ලෙස කර්වින් ගිස්ලේන් (සීශෙල්ස්) පරාජය කරන ලදි. (21/7, 21/10)

කාන්තා කේවල මූලික වටය

  • හසිනි අම්බලන්ගොඩ (ශ්‍රී ලංකාව) විසින් වට 2-0 ක් ලෙස එමිලි රෙඞ්ෂොව් (ජර්සි) පරාජය කරන ලදි. (21/18, 21/11)

මිශ්‍ර යුගල මූලික වටය

  • සචින් ඩයස් සහ තිළිණි හෙන්ඳහේවා (ශ්‍රී ලංකාව) විසින් වට 2-0 ක් ලෙස එඞ්වින් එකිරින්ග් සහ ෂමිම් බැන්ගි (උගන්ඩා) පරාජය කරන ලදි. (21/17, 21/9)
  • බුවනෙක ගුණතිලක සහ කවිඳි සිරිමාන්නගේ (ශ්‍රී ලංකාව) විසින් වට 2-0 ක් ලෙස ඒබ්‍රහම් ඇයිටී සහ ගිෆ්ටි මෙන්සා (ගයානා) පරාජය කරන ලදි. (21/7, 21/9)

-036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
අකිල ධනංජයට පන්දු යැවීම තහනම් කරයි...
2018-12-10 22:10:25
ශ්‍රී ලංකා ක්‍රිකට් කණ්ඩායමේ පිට දඟ පන්දු යවන ක්‍රීඩක අකිල ධනංජයගේ පන්දු යැවීමේ ඉරියව්ව නීති විරෝධී බව අන්තර් ජාතින ක්‍රික...
ශ්‍රී ලංකා ලකුණු පුවරුවට බිංදු පේළියක්...
2018-12-08 16:37:21
පිතිකරුවන් 8 දෙනකු කණ්ඩායමට ඇතුළත් කිරීමට අවසර දී තිබියදීත් නවසීලන්ත ක්‍රිකට් ආයතන කණ්ඩායමට එරෙහිව අද (8 වැනිදා) නේපියර්හිදී ආරම්භ වූ ...
ශ්‍රී ලංකා නැඟී එන පිලට ලකුණු 109 ක ජයක් ...
2018-12-07 16:07:54
නැඟී එන කණ්ඩායම් ආසියානු කුසලාන එක්දින තරගාවලියේ ‘ඒ’ කාණ්ඩයේ පළමු තරගය ලෙස ඕමාන් නැඟී එන කණ්ඩායමට එරෙහිව කොළඹ ආර්. ප්‍රේමද...
නවසීලන්ත ක්‍රීඩකයෝ පෙරමුණ ගනිති...
2018-12-11 19:51:35
ශ්‍රී ලංකාව සහ නවසීලන්තය අතර ටෙස්ට් තරගාවලිය ආරම්භ වීමට දින හතරකට පෙර, අන්තර් ජාතික ක්‍රිකට් සභාව විසින් නිකුත් කරන ලද නවතම ක්&zwj...