. පිතිකරුවෝ චෙන්නායි පිලට ජය ගෙනෙති | කෙළිමඬල
2018 ඔක්තෝබර් මස 16 වැනි අගහරුවාදා
පිතිකරුවෝ චෙන්නායි පිලට ජය ගෙනෙති
2018-04-10 23:58:00 | .

ඉන්දීය ප්‍රිමියර් ලීග් ක්‍රිකට් තරගාවලියේ (2018) 5 වැනි තරගය ලෙස චෙන්නායි සුපර් කිංග්ස් කණ්ඩායම සහ කොල්කටා නයිට්රයිඩර්ස් කණ්ඩායම අතර චෙන්නායිහිදී අද (10 වැනිදා) පැවැති තරගයෙන් කඩුලු 5 ක ජයක් වාර්තා කිරීමට චෙන්නායි සුපර් කිංග්ස් කණ්ඩායම සමත් විය.

ජයග්‍රහණය සඳහා ලකුණු 203 ක ඉලක්කයක් හඹාගිය චෙන්නායි ක්‍රීඩකයෝ කඩුලු 5 ක් පමණක් දැවී පන්දුවක් ඉතිරිව තිබියදී එම ඉලක්කය පසුකර ගියහ. 19 වැනි ඕවරයේ පස්වැනි පන්දුව හයේ සීමාවට ඉහළින් යැවූ රවින්ද්‍ර ජදේජා චෙන්නායි කණ්ඩායමේ ජයග්‍රහණය තහවුරු කළේය.

වේගවත් පිතිහරඹයක නිරත වෙමින් පන්දු 23 කදී හයේ පහර 5 ක් සහ හතරේ පහර 2 ක් සමග ලකුණු 56 ක් රැස්කළ සෑම් බිලිංග්ස් චෙන්නායි කණ්ඩායමේ ජයග්‍රහණය සඳහා මනා අඩිතාලමක් දැමීය. ඉනිමේ තෙවැනි කඩුල්ල වෙනුවෙන් නායක මහේන්ද්‍ර සිං දෝනි (25) සමග එක්ව පන්දු 30 කදී ලකුණු 54 ක සම්බන්ධතාවක් ගොඩනැගීමටද බිලිංග්ස් සමත් විය.

ෂේන් වොට්සන් (42) සහ අම්බටි රයිඩු (39) එක්ව පළමු කඩුල්ල වෙනුවෙන් පන්දු 35 කදී ලකුණු 75 ක සම්බන්ධතාවක් ගොඩනගමින් දැවැන්ත ඉලක්කයක් හඹාගිය චෙන්නායි කණ්ඩායමට සාර්ථක ආරම්භයක් ලබාදුන්හ. පන්දු 19 කදී වාර්තා වූ වොට්සන්ගේ ඉනිම හයේ පහර 3 කින් සහ හතරේ පහර 3 කින් සමන්විත වූ අතර පන්දු 26 කදී වාර්තා වූ රයිඩුගේ ඉනිමට හයේ පහර 2 ක් සහ හතරේ පහර 3 ක් ඇතුළත් විය.

කාසියේ වාසිය දිනූ චෙන්නායි සුපර් කිංග්ස් කණ්ඩායමේ නායක මහේන්ද්‍ර සිං දෝනිගේ ආරාධනයෙන් පළමුවෙන් පන්දුවට පහරදුන් කොල්කටා නයිට්රයිඩර්ස් කණ්ඩායම ඔන්ඩි්‍ර රසල්ගේ ප්‍රවේගකාරී ඉනිම හමුවේ කඩුලු 6 ක් දැවී ලකුණු 202 ක් ලබාගත්තේය.

කොල්කටා ඉනිමේ 7 වැනි පිතිකරුවා ලෙස පිටියට පිවිසි ඔන්ඩි්‍ර රසල් පන්දු 36 කදී දැවැන්ත හයේ පහර 11 ක් සහ හතරේ පහරක් සමගින් වේගවත් ලකුණු 88 ක් රැස්කිරීමට සමත් විය. ඉනිමේ අවසන් පන්දුවට ඔහු ගැසූ හයේ පහරත් සමග කොල්කටා පිලට ලකුණු 200 සීමාව ඉක්මවා යෑමේ අවස්ථාව හිමිවිය.

රොබින් උතප්පා හයේ පහර 3 ක් සහ හතරේ පහර 2 ක් සමග ලකුණු 29 ක්ද, ක්‍රිස් ලයන් හතරේ පහර 4 ක් සමග ලකුණු 22 ක්ද රැස්කරමින් කොල්කටා ඉනිමේ ලකුණු සංඛ්‍යාව ඉහළ දැමීම සඳහා රසල්ට අනගි සහායක් දුන්හ. නායක දිනේෂ් කාර්තික් පන්දු 25 කදී ලකුණු 26 ක් රැස්කළේ හයේ පහරක් සහ හතරේ පහර 2 ක් සමගිනි.

එහිදී චෙන්නායි කණ්ඩායමේ පන්දු යවන්නන් සියලු දෙනාම පාහේ කොල්කටා පිතිකරුවන්ගෙන් පහර කෑමට ලක් වූ අතර ෂේන් වොට්සන් ලකුණු 39 කට කඩුලු 2 ක් දවාගත්තේය.

කොල්කටා නයිට්රයිඩර්ස් පිල - ඕවර 20 කදී කඩුලු 6 ක් දැවී 202
(ක්‍රිස් ලයන් 22, රොබින් උතප්පා 29, දිනේෂ් කාර්තික් 26, ඔන්ඩි්‍ර රසල් 88, ෂේන් වොට්සන් 39/2

චෙන්නායි සුපර් කිංග්ස් පිල - ඕවර 19.5 කදී කඩුලු 5 ක් දැවී 205
(ෂේන් වොට්සන් 42, අම්බටි රයිඩු 39, මහේන්ද්‍ර සිං දෝනි 25, සෑම් බිලිංග්ස් 56, ටොම් කරන් 39/2) 

 

-036

 

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තයට ලකුණු 31 ක ජයක්...
2018-10-13 15:24:09
ශ්‍රී ලංකාව සහ එංගලන්තය අතර රංගිරි දඹුල්ල ජාත්‍යන්තර ක්‍රීඩාංගණයේදී අද (13 වැනිදා) පැවැති දෙවැනි එක්දින තරගයෙන් ඩක්වත් ලුවිස් ...
පළමු එක්දින තරගය වැස්සට සේදෙයි...
2018-10-10 20:20:00
  සංචාරක එංගලන්ත කණ්ඩායම සහ ශ්‍රී ලංකා කණ්ඩායම අතර රංගිරි දඹුල්ල ක්‍රීඩාංගණයේදී අද (10 වැනිදා) පැවැති පළමු එක්දින තරගය වර්ෂාව ...
බිලාල් - අබ්බාස් ඕස්ට්‍රේලියාව අසරණ කරති...
2018-10-09 22:03:29
මංගල තරගයට ක්‍රීඩාකරන බිලාල් අසීෆ් (36/6) සහ මොහොමඞ් අබ්බාස්ගේ (29/4) විශිෂ්ට පන්දු යැවීම හමුවේ ඩුබායිහිදී පැවැත්වෙන පළමු ටෙස්ට් ...
පළමු තරගය හැරවුම් ලක්ෂයක් වේවි - චන්දිමාල්...
2018-10-09 15:48:26
ශ්‍රී ලංකා පිල සහ එංගලන්ත පිල අතර තරග පහකින් සමන්විත එක්දින ක්‍රිකට් තරගාවලිය ආරම්භ කරමින් පළමු තරගය රංගිරි දඹුල්ල ජාත්‍යන්තර ...
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...
කුසල් මෙන්ඩිස්ගේ භූමිකාව සොයමු...
මෙන්ඩියා ගෙදර යවන්න එපා. පල්ලෙහාට ගේන්න....
කුසල් මෙන්ඩිස්ගේ භූමිකාව සොයමු...
සමබර ලිපියක්. ඔය කෑගහන අය දන්නේ නෑ මාවන් අතපත්තු බින්දු කීයක් ගහලද ලකුණු අතරට අවතීර්ණ වුනේ කියලා. ...