. ගාල්ල විද්‍යාලෝකය අවසන් පූර්ව වටයට | කෙළිමඬල
2018 මැයි මස 22 වැනි අගහරුවාදා
ගාල්ල විද්‍යාලෝකය අවසන් පූර්ව වටයට
2018-04-10 20:02:40 | රොෂාන් ගුණරත්න

‘සිංගර් කුසලාන’ වයස 19 න් පහළ සීමිත ඕවර ක්‍රිකට් තරගාවලියේ III වැනි කොටසේ හොරණ තක්ෂිලා විද්‍යාලීය ක්‍රීඩාංගණයේදී පැවැති අර්ධ අවසන් පූර්ව වටයේ තරගයකදී නුගේගොඩ ශාන්ත ජොන් විද්‍යාලය එරෙහිව පැරබෝලා න්‍යායට ජය හිමිකරගත් ගාල්ල විද්‍යාලෝක විද්‍යාලය අවසන් පූර්ව වටය සදහා සුදුසුකම් ලබා ගැනීමට ඊයේ (9 වැනිදා) සමත්විය.


කාසියේ වාසිය දිනාගත් නුගේගොඩ ශාන්ත ජොන් විද්‍යාලය පළමුව පන්දුවට පහරදෙමින් ඕවර 50 අවසානයේ සියලුදෙනා දැවී ලකුණු 184 ක් රැස්කළේය.


සෙල්ව කුමාර් ලකුණු 46 ක් රැස්කරමින් ශාන්ත ජොන් විද්‍යාලය වෙනුවෙන් වැඩිම ලකුණු රැස්කළ පිතිකරුවා බවට පත්වූ අතර පැතුම් හසරංගලකුණු 27 කට කඩුලු 4 ක් දවාගනිමින් විද්‍යාලෝක විද්‍යාලය වෙනුවෙන් පන්දුවෙන් දස්කම් දැක්වීය.


ජයග්‍රහණය සදහා ලකුණු 185 ක ඉලක්කයක් හඹාගිය ගාල්ල විද්‍යාලෝක විද්‍යාලය වර්ෂාව හේතුවෙන් තරගය නතර කරනවිට ඕවර 36 කදී කඩුලු 6 ක් දැවි ලකුණු 166 ක් රැස්කර සිටියේය. පැරබෝල් න්‍යායට අනුව එම අවස්ථාවේ තරගය නතර කරනවිට ශා. ජොන් විද්‍යාලයට වඩා ඉහළින් සිටීමට විද්‍යාලෝක විද්‍යාලය සමත්විය.


එම්.ජිනරත්න ලකුණු 38 ක් රැස්කරමින් විද්‍යාලෝක විද්‍යාලය වෙනුවෙන් වැඩිම ලකුණු රැස්කළ පිතිකරුවා බවට පත්වූ අතර ටෙශාන් මලින්ද ලකුණු 41 කට කඩුලු 2 ක් දවාගත්තේය.

 

ශා. ජොන් විද්‍යාලය - ඕවර 50 කදී සියලුදෙනා දැවී ලකුණු 184
(සෙල්ව කුමාර් 46, සදීශන් චමෝද්‍ය 38, නුරාජ් ප්‍රසංග 26, දෙව්මිණ ඒකනායක 25, නිතිල පූර්ණජිත් 23, පැතුම් හසරංග 27/4)


විද්‍යාලෝක විද්‍යාලය - ඕවර 36 කදී කඩුලු 6 ක් දැවී ලකුණු 166
(එම්.ජිනරත්න 38, සචිඳු සෞම්‍ය 37, අනුරාධ සම්පත් 23, ටෙශාන් මලින්ද 41/2)

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
පන්දු නොයැවීමට මැතිව්ස්ගෙන් තීරණයක්...
2018-05-20 20:41:12
දීර්ඝ කාලීන අබාධිත තත්ත්වයට තිත තබමින් නැවතත් ඉක්මනින් ක්‍රීඩාකරන්න ලැබීම ගැන තමන් ඉතාමත් සතුටට පත්වූ බව ශ්‍රී ලංකා කණ්ඩායමේ හිටපු...
කොදෙව් සංචාරයේ සංයුතිය වෙනස් වෙයි...
2018-05-19 19:07:13
මේ මස අගදී ආරම්භ වීමට නියමිත ශ්‍රී ලංකා කණ්ඩායමේ කොදෙව් සංචාරයේදී පැවැත්වීමට නියමිත ටෙස්ට් තරග තුනෙන් එකක් වෙනුවට එක්දින තරග දෙකක් හෝ ...