. ශූරයන්ගේ ලීග් තරගාවලිය පමා වෙයි | කෙළිමඬල
2018 මැයි මස 24 වැනි බ‍්‍රහස්පතින්දා
ශූරයන්ගේ ලීග් තරගාවලිය පමා වෙයි
2018-04-10 21:56:25 | නාමල් පතිරගේ

සාෆ් (දකුණු ආසියානු) පාපන්දු ශූරතා තරගාවලිය සැප්තැම්බර් මාසයට යෙදී තිබෙන බැවින් මෙම වසරට නියමිත ‘ඩයලොග්- ශූරයන්ගේ පාපන්දු තරගාවලිය ප්‍රමාද කිරීමට ශ්‍රී ලංකා පාපන්දු සම්මේලනය තීරණය කර තිබේ.

ඩයලොග් ශූරයන්ගේ පාපන්දු තරගාවලිය සඳහා පළමු වතාවට බේරුවල ‘රෙඞ් ස්ටාර්’ ක්‍රීඩා සමාජය සුදුසුකම් ලබා සිටියි. වසර 2013 න් පසුව තරගාවලියට යළිත් ඇතුළත් වීමට රත්නම් ක්‍රීඩා සමාජය සමත්ව සිටියි. බේරුවල රෙඞ් ස්ටාර් පිල පළමු පෙළ ප්‍රධානම පාපන්දු තරගාවලියේ ශූරතාව දිනාගත් කණ්ඩායම වන අතර රත්නම් ක්‍රීඩා සමාජය ප්‍රධානම පාපන්දු තරගාවලියේ අනුශූරතාව හිමිකර ගනිමින් ඩයලොග් ශුරයන්ගේ ලීග් තරගාවලියට එක්ව සිටී.

පසුගිය ජනවාරි 14 වැනිදා අවසන් වූ පසුගිය (2017) තරගාවලියේ ප්‍රසාද ලකුණු  සටහනට අනුව අවසන් ස්ථාන දෙකට (17 සහ 18) පත් පොලිසිය සහ මොරගස්මුල්ල යන ක්‍රීඩා සමාජ දෙක මෙවර ඩයලොග් ශූරයන්ගේ ලීග් තරගාවලියෙන් ඉවතට යයි.

පසුගිය වසරේ පැවැති අවසන් මහ තරගයේදී රිනවුන් කණ්ඩායම ගෝල 1-0 කින් පරාජය කළ කොළඹ ක්‍රීඩා සමාජය ගිය වසරේදී ඩයලොග් ශූරතාව දිනා ගත්තේය.

ඩයලොග් ශූරයන්ගේ පාපන්දු තරගාවලියට (2018) සහභාගිවීමට නියමිත ක්‍රීඩා සමාජ කොළඹ, රිනවුන්, වෙන්නප්පුව නිව්යංග්ස්, බේරුවල සුපර්සන්, කුරුණෑගල පෙලිකන්ස්, ගුවන් හමුදාව, මාතර සිටි, අනුරාධපුර සොලිඞ්,  යුද හමුදාව, සෝන්ඩර්ස්, නාවික හමුදාව, නාවලපිටිය අප්කන්ටි්‍ර ලයන්ස්, කළුතර බ්ලුස්ටාර්ස්, මීගමුව යූත්, ජාවාලේන්, ගම්පොල ක්‍රිස්ටල් පැලස්, බේරුවල රෙඩිස්ටාර් සහ රත්නම්.

මේ අතර පාපන්දු සම්මේලනය මෙහෙවන සියළුම තරගාවලි ඉලක්ක කරමින් උපරිම ක්‍රීඩකයන් 50 දෙනකුගෙන් සමන්විත කි්‍රීඩකයන්ගේ ලැයිස්තුවක් ලියාපදිංචිය සඳහා යොමුකරන ලෙස පාපන්දු සම්මේලනයේ කි්‍රීඩකයන්ගේ කමිටුව ක්‍රීඩා සමාජවලට දැනුම් දී තිබේ. කෙසේ වුවත් එහිදී උපරිම ක්‍රීඩකයන්ගේ ගණනක් දක්වා තිබුණත් ඊට අඩු සංචිතයක් වුවද ඒ සඳහා යොමුකළ හැකි බව එම කමිටුව අවධාරණය කරයි.

ඩකා දකුණු ආසියානු පාපන්දු ශූරතාවලිය ඉලක්ක කරමින් ක්‍රීඩකයන් 53 දෙනකුගෙන් සමන්විත ජාතික පාපන්දු පුහුණු සංචිතයක් කාණ්ඩ දෙකකින් සමන්විතව මෙම 17 වැනිදා සිට ආරම්භ කිරීමට පාපන්දු සම්මේලනය කටයුතු යොදා තිබේ. එහි ක්‍රීඩකයන් බහුතරයක් ශූරයන්ගේ තරගාවලියට ක්‍රීඩා කරන කණ්ඩායම් නියෝජනය කරන්නෝ වෙති. 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
බැංගලෝර් - මුම්බායි තරගාවලියෙන් ඉවතට...
2018-05-20 22:14:42
අයි.පී.එල්. තරගාවලියේ ප්‍රබල කණ්ඩායම් දෙකක් ලෙස සැලකෙන මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් වලට මේ වසරේදී (2018)...
දෙවරක් දිනුවොත් රජකම වසර 8 කට...
2018-05-18 21:36:01
ශ්‍රී ලංකාවේ බලවත්ම ජාතික ක්‍රීඩා සංගමය ලෙසින් සැලකෙන ශ්‍රී ලංකා ක්‍රිකට් ආයතනයේ ව්‍යවස්ථාව සංශෝධනය කිරීමට ශ්‍රී ල...
චෙන්නායි පිල අවසන් තරගයට...
2018-05-22 18:53:38
හුදකලා සටනක නිරතවූ ෆැෆ් ඩු ප්ලේසීස්ගේ විශිෂ්ට පිතිහරඹය හමුවේ අයි.පී.එල් ක්‍රිකට් තරගාවලියේ අවසන් මහ තරගය සඳහා සුදුසුකම් ලබාගැනීමට චෙන්...
පන්දු නොයැවීමට මැතිව්ස්ගෙන් තීරණයක්...
2018-05-20 20:41:12
දීර්ඝ කාලීන අබාධිත තත්ත්වයට තිත තබමින් නැවතත් ඉක්මනින් ක්‍රීඩාකරන්න ලැබීම ගැන තමන් ඉතාමත් සතුටට පත්වූ බව ශ්‍රී ලංකා කණ්ඩායමේ හිටපු...