. දඹුල්ල පිල ලකුණු 127 ක් ඉදිරියෙන් | කෙළිමඬල
2018 ජූලි මස 19 වැනි බ‍්‍රහස්පතින්දා
දඹුල්ල පිල ලකුණු 127 ක් ඉදිරියෙන්
2018-04-10 23:49:00 | ශානුක අරවින්ද

අන්තර් පළාත් සිවුදින ක්‍රිකට් තරගාවලියේ ගාල්ල කණ්ඩායම සහ දඹුල්ල කණ්ඩායම අතර රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වෙන දිවා-රාත්‍රී තරගයේ තෙවැනි දිනය වූ අද (10 වැනිදා) තරගය නතර කරන විට පන්දුවට පහර දෙමින් සිටි දඹුල්ල කණ්ඩායම සිය දෙවැනි ඉනිම වෙනුවෙන් කඩුලු 2 ක් දැවී ලකුණු 138 ක් ලබා සිටියේය.

ඒ අනුව දඹුල්ල කණ්ඩායම තවත් කඩුලු 8 ක් අතැතිව ගාල්ල කණ්ඩායමට වඩා ලකුණු 127 ක් ඉදිරියෙන් සිටියි. තෙවැනි දිනය සඳහා තරගය නතර කරන විට අෂාන් ප්‍රියංජන් හතරේ පහර 6 ක් සමග ලකුණු 67 ක්ද, සචිත්‍ර සේරසිංහ හතරේ පහර 4 ක් සමග ලකුණු 29 ක්ද ලබා නොදැවී කඩුල්ලේ රැදී සිටියහ. දිනය නිමාවන විට ඔවුන් දෙදෙනා එක්ව දඹුල්ල කණ්ඩායමේ තෙවැනි කඩුල්ල වෙනුවෙන් ගොඩනගා තිබූ නොබිදුණ සම්බන්ධතාව ලකුණු 76 කි.  

දඹුල්ල කණ්ඩායමේ නායක දිමුත් කරුණාරත්න ලකුණු ලබා ගැනීමටත් පෙරාතුවම පිටියෙන් ඉවත් කිරීමට නිසල තාරක සමත් වූයේ කඩුලු රකින ක්‍රීඩක සධීර සමරවික්‍රමගේ සහායද ඇතිවය. පළමු ඉනිමේදී අර්ධ ශතකයක් ලබාගත් කුසල් මෙන්ඩිස් (26) කඩුල්ල මුවා කිරීමේ වරදට හසුකර ගැනීමට ගාල්ල කණ්ඩායමේ නායක දසුන් ශානක සමත් විය.

දෙවැනි දිනය වූ ඊයේ (9 වැනිදා) තරගය නතර කරන විට විට කඩුලු 2 ක් දැවී ලකුණු 50 ක් ලබා සිටි ගාල්ල ක්‍රීඩකයෝ අද දිනයේදී සිය පළමු ඉනිමට තවත් ලකුණු 205 එක්කරගත්හ. ගාල්ල ඉනිමේ වැඩිම ලකුණු ලාභියා වූ චතුරංග ද සිල්වා (54) අර්ධ ශතකයක් ලබාගනිමින් සිය කණ්ඩායමට පළමු ඉනිමේ ජයග්‍රහණයක් අත්කරදීම සඳහා පුරෝගාමී විය. පන්දු 45 කදී වාර්තා වූ චතුරංගගේ වේගවත් අර්ධ ශතකය හයේ පහරකින් සහ හතරේ පහර 6 කින් සමන්විත විය.

දක්ෂ පන්දු යැවීමක නිතර වූ ළහිරු ගමගේ ලකුණු 78 කට කඩුලු 5 ක් දවාගත්තේ චතුරංගගේ කඩුල්ලද සමගිනි. රොෂේන් සිල්වාගේ (44) සහ දසුන් ශානකගේ (32) කඩුලු බිඳදැමීමටද ළහිරු සමත් විය. ගාල්ල කණ්ඩායමේ පිතිකරුවන් පීඩනයට පත්කිරීම සඳහා ළහිරුට අනගි සහායක් දුන් රංගන හේරත් ලකුණු 42 කට කඩුලු 2 ක් බිඳහෙළීය.

දඹුල්ල පළමු ඉනිම - සියලු දෙනා දැවී 244
(කුසල් මෙන්ඩිස් 89, ළහිරු මධුෂංක 26, රංගන හේරත් 25, අෂාන් ප්‍රියංජන් 24, මිලින්ද සඳරුවන් 24, මනෝජ් සරත්චන්ද්‍ර 19, චතුරංග ද සිල්වා 31/3, මාලින්ද පුෂ්පකුමාර 30/2, නිසල තාරක 54/2)

ගාල්ල පළමු ඉනිම - සියලු දෙනා දැවී 255
(මාධව වර්ණපුර 21, උපුල් තරංග 25, රොෂේන් සිල්වාගේ 44, දසුන් ශානකගේ 32, චතුරංග ද සිල්වා 54, නිසල තාරක 19, ළහිරු ගමගේ 78/5, රංගන හේරත් 42/2)

දඹුල්ල දෙවැනි ඉනිම - කඩුලු 2 ක් දැවී 138
(කුසල් මෙන්ඩිස් 26, අෂාන් ප්‍රියංජන් නොදැවී 67, සචිත්‍ර සේරසිංහ නොදැවී 29)

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දිමුත් කරුණාරත්න වික්‍රමාන්විත පිතිහරඹයක...
2018-07-12 19:20:16
පිඹුරු දඩයමේ යන්නා ලෙසින් ප්‍රකට දිමුත් කරුණාරත්නගේ ඉවසිලිවන්ත වූත් වික්‍රමාන්විත වූත් පිතිහරඹයෙන් යන්තම් හිස ඔසවාගත් ශ්‍රී ලං...
ඩු ප්ලෙසී ගාල්ලේ ඇත්ත කතාව කියයි...
2018-07-15 10:25:11
දකුණු අප්‍රිකානු ක්‍රිකට් ඉතිහාසයේ අතිශය දරුණු පරාජයකට මුහුණ දුන් නමුත් ශ්‍රී ලංකා කණ්ඩායමට හිමිවිය යුතු ගෞරවය කිසි ලෙසකින් අව...
ශ්‍රී ලංකාව ලකුණු 272 ක් ඉදිරියෙන්...
2018-07-13 13:09:47
ටෙස්ට් කණ්ඩායම් ශ්‍රේණිගත කිරීම අනුව ලෝකයේ අංක 2 හිමි කණ්ඩායම වුවත් දකුණු අප්‍රිකානු පිතිකරුවන් අල්ලේ නැටවූ රංගන හේරත් ප්‍රමුඛ...
ලක්මාල් ප්‍රසාද ලකුණු සොයා යයි...
2018-07-15 11:09:49
ශ්‍රී ලංකා කණ්ඩායමේ නායකත්වය තමන්ගේ උරමත පැටවී ඇත්තේ තාවකාලිකව බව හොඳින්ම දන්නා නමුත් දකුණු අප්‍රිකානුවන්ට එරෙහිව පැවැත්වෙන ටෙස්ට්...