. බණ්ඩාරගෙන් ශ්‍රී ලංකාවට තවත් පදක්කමක් | කෙළිමඬල
2019 මාර්තු මස 20 වැනි බදාදා
බණ්ඩාරගෙන් ශ්‍රී ලංකාවට තවත් පදක්කමක්
2018-04-11 16:16:16 | .

විසි එක්වැනි පොදු රාජ්‍ය මණ්ඩලීය ක්‍රීඩා උළෙලේ බොක්සිං ඉසව්වේ කිලෝ ග්‍රෑම් 52 (පිරිමි) බර පංතියේ අවසන් පූර්ව වටයට සුදුසුකම් ලබා ගැනීමට ශ්‍රී ලංකාවේ ඉෂාන් බණ්ඩාර සමත් විය.

තරගාවලියේ හත්වැනි දිනය වන අද (11 වැනිදා) පැවති අර්ධ අවසන් පූර්ව වටයේ තරගයකදී ලෙසොතෝ රාජ්‍යයේ තාබෝ මොලේෆි පරාජය කරමින් බණ්ඩාර අවසන් පූර්ව වටයට සුදුසුකම් ලබා ගත්තේය. මොලේෆි සහ බණ්ඩාර අතර පැවැති මූලික වටයේ තරගය ඉතා තියුණු මුහුණුවරක් ගත්තද, අවසානයේ විනිසුරුවන් 5 දෙනාගෙන් සිවුදෙනෙකුගේම වැඩි ලකුණු බණ්ඩාරට හිමිවිය.

ලබන 13 වැනිදා පැවැත්වෙන අවසන් පූර්ව තරගයේදී ඉන්දියාවේ ගෞරව් සොලංකිට එරෙහිව බණ්ඩාර තරග බිමට පිවිසීමට නියමිතය. එම තරගය ජයගැනීමට සමත් වුවහොත් බණ්ඩාරට රන් හෝ රිදී පදක්කමක් කරා යෑමට අවස්ථාව හිමිවන අතර පරාජය වුවහොත් ඔහුට ලෝකඩ පදක්කමකින් සෑහීමකට පත්වීමට සිදුවනු ඇත.

අද පැවැති කිලෝ ග්‍රෑම් 51 (කාන්තා) බර පංතියේ අවසන් පූර්ව වටයේ තරගයකට සහභාගි වූ ශ්‍රී ලංකාවේ දුලානි ජයසිංහ එහිදී කෙන්යාවේ ක්‍රිස්ටීන් ඔන්ගාරේ හමුවේ පරාජයට පත් වූවාය. එම තරගයේ පළමු වටය ජයගැනීමට දුලානි සමත් වුවද, දෙවැනි වටයේදී කෙන්යානු ක්‍රීඩිකාවගේ පහරදීම හමුවේ ඇය ආබාධයකට ලක්වූවාය. ඒ හේතුවෙන් දෙවැනි වටය අතරතුර එම තරගය නතර කිරීමට විනිසුරුවරයා පියවර ගත්තේය.

 

- 036

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
උදානගේ හුදෙකලා පිතිහරඹය අපතේ යයි...
2019-03-13 16:29:32
  ශ්‍රී ලංකාවට එරෙහිව පෝට් එලිසබෙත්හිදී අද (13 වැනිදා) පැවැති සිවුවැනි එක්දින තරගයෙන් කඩුලු 6 ක පහසු ජයක් අත්කර ගැනීමට දකුණු අප...
ශ්‍රී ලංකාව 5-0 කින් එක්දින තරගාවලිය පරදී...
2019-03-16 21:00:46
ටෙස්ට් තරගාවලිය පරාජය වී සති තුනක් යාමටත් මත්තෙන් එහි වාඩුව ගත් දකුණු අප්‍රිකානුවෝ ශ්‍රී ලංකාවට එරෙහිව පැවැති එක්දින තරගාවලියේදී 5...
හතුරුසිංහ ආපසු කැඳවයි...
2019-03-14 16:31:50
දකුණු අප්‍රිකාවේදී දැන් පැවැත්වෙන තරග සංචාරයේ විස්සයි20 ක්‍රිකට් තරගාවලිය ආරම්භ වීමට පෙර ශ්‍රී ලංකා ක්‍රිකට් පිලේ ප්‍ර...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...