. ඩඞ්ලි සේනානායක විදුහල අවසන් පූර්ව වටයට | කෙළිමඬල
2019 මාර්තු මස 24 වැනි ඉරිදා
ඩඞ්ලි සේනානායක විදුහල අවසන් පූර්ව වටයට
2018-04-12 17:58:21 | රොෂාන් ගුණරත්න

‘සිංගර් කුසලාන’ වයස 19 න් පහළ සීමිත ඕවර ක්‍රිකට් තරගාවලියේ III වැනි කොටසේ අවසන් පූර්ව වටය සදහා සුදුසුකම් ලබාගැනීමට තෝලන්ගමුව ඩඞ්ලි සේනානායක විද්‍යාලය අද (12 වැනිදා) සමත්විය. 


ඉබ්බාගමුව මධ්‍ය මහා විද්‍යාලයීය ක්‍රීඩාංගණයේදී පැවැති අර්ධ අවසන් පූර්ව වටයේ තරගයකදී වේයන්ගොඩ බණ්ඩාරනායක මධ්‍ය මහා විද්‍යාලයට එරෙහිව ලකුණු 64 ක ජයක් හිමිකර ගැනීමට තෝලන්ගමුව ඩඞ්ලි සේනානායක විද්‍යාලයට හැකිවිය.


කාසියේ වාසිය දිනාගත් වේයන්ගොඩ බණ්ඩාරනායක මධ්‍ය මහා විද්‍යාලය පළමුව පන්දුවට පහරදීම සදහා තෝලන්ගමුව ඩඞ්ලි සේනානායක විද්‍යාලයට ආරාධනා කළ අතර ඕවර 49.3 කදී සියලුදෙනා දැවී ඔවුන්ට රැස්කිරීමට හැකිවූයේ ලකුණු 171 ක් පමණි.


සිතුම් වික්‍රමාරච්චි ලකුණු 33 ක් රැස්කරමින් ඩඞ්ලි සේනානායක විද්‍යාලය වෙනුවෙන් වැඩිම ලකුණු රැස්කළ පිතිකරුවා බවට පත්වූ අතර මලීශ භාග්‍ය සහ නිපුන් සංතුෂ් කඩුලු 2 බැගින් දවාගනිමින් බණ්ඩාරනායක මධ්‍ය මහා විද්‍යාලය වෙනුවෙන් පන්දුවෙන් දස්කම් දැක්වූහ.


ජයග්‍රහණය සදහා ලකුණු 172 ක ඉලක්කයක් හඹාගිය බණ්ඩාරනායක මධ්‍ය මහා විද්‍යාලයට ඕවර 29.3 කදී සියලුදෙනා දැවී රැස්කිරීමට හැකිවූයේ ලකුණු 107 ක් පමණි.

ලකුණු 30 ක් ලබාගත් සජිත් මදුසංක බණ්ඩාරනායක මධ්‍ය මහා විද්‍යාලය වෙනුවෙන් වැඩිම ලකුණු ලබාගත් පිතිකරුවාවූ අතර කවිෂ්ක ධර්මකීර්ති, මල්ෂාන් දිසානායක සහ ලක්ජිත් ජයවීර කඩුලු 2 බැගින් දවාගනිමින් ඩඞ්ලි සේනානායක විද්‍යාලය ජයග්‍රහණය කරා රැගෙන යාමට සමත්වූහ.

 

ඩඞ්ලි සේනානායක විද්‍යාලය - ඕවර 49.3 කදී සියලුදෙනා දැවී ලකුණු 171
(සිතුම් වික්‍රමාරච්චි 33, හර්ෂ කරුණාරත්න 29, සඳකැන් ජයවීර 29, මිලිඳු මදුශාන් 24, මලීශ භාග්‍ය 26/2, නිපුන් සංතුෂ් 30/2)


බණ්ඩාරනායක ම.ම.විද්‍යාලය - ඕවර 29.3 කදී සියලුදෙනා දැවී ලකුණු 107
(සජිත් මදුසංක 30, කවිෂ්ක ධර්මකීර්ති 07/2, මල්ෂාන් දිසානායක 15/2, ලක්ජිත් ජයවීර 24/2)

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...