. දීපිකා කි.ග්‍රෑ. 53 බර පංතියේ සිවුවැනි තැනට | කෙළිමඬල
2019 මාර්තු මස 24 වැනි ඉරිදා
දීපිකා කි.ග්‍රෑ. 53 බර පංතියේ සිවුවැනි තැනට
2018-04-12 18:04:48 | ...

විසි එක්වැනි පොදු රාජ්‍ය මණ්ඩලීය ක්‍රීඩා උළෙලේ කාන්තා මල්ලවපොර ඉසව්වේ කිලෝ ග්‍රෑම් 53 බර පංතිය යටතේ තරග වැඳුණ ශ්‍රී ලංකාවේ දීපිකා දිල්හානිට එම බර පංතියේ සිවුවැනි ස්ථානයෙන් සෑහීමකට පත්වීමට සිදුවූවාය. 


එම බර පංතියට ක්‍රීඩිකාවන් 5 දෙනෙක් පමණක් ඇතුළත් වීම නිසා ඔවුන් 5 දෙනා අතර ලීග් ක්‍රමයට අනුව තරග පවත්වා වැඩිම තරග ප්‍රමාණයක් ලබාගත් ක්‍රීඩිකාවන්ට රන් පදක්කම පිරිනැමිණ. සෙසු ක්‍රීඩිකාවන් ලබාගත් ජයග්‍රහණ සංඛ්‍යාව අනුව ඔවුන්ද ශ්‍රේණිගත කෙරුණ අතර එම ශ්‍රේණිගත කිරීමවලට අනුව දෙවැනි සහ තෙවැනි ස්ථාන හිමිකරගත් ක්‍රීඩිකාවෝ රිදී සහ ලෝකඩ පදක්කම් හිමිකරගත්හ. 


ලීග් ක්‍රමයට අනුව තරග වැදීමේදී දීපිකාට අත්කරගත හැකි වූයේ එක් ජයග්‍රහණයක් පමණි. එහිදී ඕස්ටේ්‍රලියානු ක්‍රීඩිකාව පරාජය කළ දීපිකා, ඉන්දීය, කැනේඩියානු, නයජීරියා ක්‍රීඩිකාවන් හමුවේ පරාජයට පත් වූවාය. අවසානයේදී එම බර පංතියේ ක්‍රීඩිකාවන් ශ්‍රේණිගත කිරීමට අනුව දීපිකාට හිමිවූයේ සිවුවැනි ස්ථානයයි. 


කිලෝ ග්‍රෑම් 57 (පිරිමි) බර පංතිය යටතේ තරග වැදුණ දිවෝෂාන් ප්‍රනාන්දු, මූලික වටයේදී ස්කොට්ලන්ත ක්‍රීඩකයා පරාජය කිරීමට සමත් වූ නමුත්, අර්ධ අවසන් පූර්ව වටයේදී පාකිස්තාන ක්‍රීඩකයා හමුවේ පරාජයට පත්වීම නිසා තරගාවලියෙන් ඉවතට විසිවිය. 


කිලෝ ග්‍රෑම් 74 (පිරිමි) බර පංතිය යටතේ තරග වැදුණ සුරේෂ් ප්‍රනාන්දු එහි මූලික වටයේදීම වේල්ස ක්‍රීඩකයා හමුවේ පරාජය වීම නිසා අර්ධ අවසන් පූර්ව වටයට සුදුසුකම් ලබාගත නොහැකි විය. 


කාන්තා කිලෝ ග්‍රෑම් 53 බර පංතිය 

දීපිකා දිල්හානි (ශ්‍රී ලංකාව) විසින් ලකුණු 10-2 ක් ලෙස කැරීසා හෝලන්ඞ් (ඕස්ටේ්‍රලියාව) පරාජය කරන ලදි. 

බබීතා කුමාරි (ඉන්දියාව) විසින් ලකුණු 4-0 ක් ලෙස දීපිකා දිල්හානි (ශ්‍රී ලංකාව) පරාජය කරන ලදි. 

ඩයනා වීකර් (කැනඩාව) විසින් ලකුණු 10-0 ක් ලෙස දීපිකා දිල්හානි (ශ්‍රී ලංකාව) පරාජය කරන ලදි. 

බෝස් සැමුවෙල් (නයිජීරියාව) විසින් ලකුණු 10-0 ක් ලෙස දීපිකා දිල්හානි (ශ්‍රී ලංකාව) පරාජය කරන ලදි. 

 

පිරිමි කිලෝ ග්‍රෑම් 57 බර පංතිය (පෙර අර්ධ අවසන් පූර්ව වටය)

දිවෝෂාන් ප්‍රනාන්දු (ශ්‍රී ලංකාව) විසින් ලකුණු 12-6 ක් ලෙස රොස් කොනෙලි (ස්කොට්ලන්තය) පරාජය කරන ලදි. 

පිරිමි කිලෝ ග්‍රෑම් 57 බර පංතිය (අර්ධ අවසන් පූර්ව වටය)

මුහම්මද් බිලිල් (පාකිස්තානය) විසින් ලකුණු 12-2 ක් ලෙස දිවෝෂාන් ප්‍රනාන්දු (ශ්‍රී ලංකාව) පරාජය කරන ලදි. 

පිරිමි කිලෝ ග්‍රෑම් 74 බර පංතිය (පෙර අර්ධ අවසන් පූර්ව වටය)

කර්ටිස් ඩොජ් (වේල්සය) විසින් ලකුණු 6-0 ක් ලෙස සුරේෂ් ප්‍රනාන්දු (ශ්‍රී ලංකාව) පරාජය කරන ලදි. 

-036 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...