. හයිද්‍රාබාද් පිලට කඩුල්ලක තියුණු ජයක් | කෙළිමඬල
2019 මාර්තු මස 24 වැනි ඉරිදා
හයිද්‍රාබාද් පිලට කඩුල්ලක තියුණු ජයක්
2018-04-12 20:16:06 | ...

අයි.පී.එල් ක්‍රිකට් තරගාවලියේ හත්වන තරගය ලෙස මුම්බායි ඉන්දියන්ස් සහ සන්රයිසස් හයිද්‍රාබාද් කණ්ඩායම් අතර හයිද්‍රාබාද්හිදී අද (12 වැනිදා) පැවැති තරගයෙන් කඩුල්ලක තියුණු ජයක් හිමිකර ගැනීමට සන්රයිසස් හයිද්‍රාබාද් කණ්ඩායම සමත්විය.

ජයග්‍රහණය සදහා ලකුණු 148 ක ඉලක්කයක් හඹාගිය සන්රයිසස් හයිද්‍රාබාද් කණ්ඩායම කඩුලු 9 ක් දැවී අවසන් පන්දුවේදී ජයග්‍රහණය තහවුරු කරගැනීමට සමත්විය.

පිතිකරුවන් අසාර්ථක වනවිට කඩුල්ල ආරක්‍ෂා කරගනිමින් අවසන් පන්දුව තෙක් කඩුල්ලේ රැඳී සිටි දීපක් හූඩා පන්දු 25 කදී හයේ පහරක් සහ හතරේ පහරක් සමගින් නොදැවී ලකුණු 32 ක් රැස් කිරීමට සමත්විය.

වේගවත් ආරම්භයක් ලබාගත් ශීකර් ධවාන් පන්දු 28 කදී හතරේ පහර 8 ක් සමගින් ලකුණු 45 ක් රැස්කරමින් ජයග්‍රහණයට අඩිතාලම දැමීය.

මයාන්ක් මාර්කන්ඬේ ලකුණු 23 කට කඩුලු 4 ක් සහ මුස්ටෆීසූර් රෙහ්මන් ලකුණු 24 කට කඩුලු 3 ක් දවාගනිමින් පන්දුවෙන් දස්කම් දැක්වුවද ජයග්‍රහණයට එය ප්‍රමාණවත් නොවූහ.

පළමුව පන්දුවට පහරදුන් මුම්බායි ඉන්දියන්ස් කණ්ඩායම ඕවර 20 අවසානයේ කඩුලු 8 ක් දැවී ලකුණු 147 ක් රැස්කිරීමට සමත්විය.

වැඩිම ලකුණු ලාභියා වෙමින් මුම්බායි ඉන්දියන්ස් කණ්ඩායම වෙනුවෙන් ලකුණු 29 ක් රැස්කළ එවින් ලෙවිස් වේගවත් ආරම්භයක් ලබාගත්තද සිද්ධාර්ත් කෞල්ගේ පන්දුවක් කඩුල්ලේ වැදීමෙන් දැවී ගියේය.


සූර්යකුමාර් යාදව් සහ කරන් පොලාඞ් ලකුණු 28 බැගින් ලබාගනිමින් මුම්බායි ඉන්දියන්ස් ලකුණු පුවරුව ඉහළ දැමීමට උත්සහ ගත්හ.

සංදීප් ශර්මා, සිද්ධාර්ත් කෞල් සහ බිලී ස්ටෑන්ලේක් කඩුලු 2 බැගින් දවාගනිමින් පන්දුවෙන් දස්කම් දැක්වූහ.

සන්රයිසස් හයිද්‍රාබාද් කණ්ඩායමේ වෙනස්කමක් සිදුකරමින් භුවනේෂ්වර් කුමාර් වෙනුවට සංදීප් ශර්මා කැදවා ඇති අතර මුම්බායි ඉන්දියන්ස් කණ්ඩායමේ වෙනස්කම් දෙකක් සිදුකරමින් හර්දික් පාණ්ඩ්‍යා සහ මිචෙල් මැක්ලෙනගක් කණ්ඩායමෙන් ඉවත්කර ප්‍රදීප් සංග්වාන් සහ බෙන් කටින් කණ්ඩායමට කැඳවූහ.

කාසියේ වාසිය ලැබූ සන්රයිසස් හයිද්‍රාබාද් කණ්ඩායමේ නායක කේන් විලියම්සන් පළමුව පන්දු රැකීමට තීරණය කළේය.

මුම්බායි ඉන්දියන් - ඕවර 20 කදී කඩුලු 8 ක් දැවී ලකුණු 147
(එවින් ලෙවිස් 29, සූර්යකුමාර් යාදව් 28, කරන් පොලාඞ් 28, සංදීප් ශර්මා 25/2, සිද්ධාර්ත් කෞල් 29/2, බිලී ස්ටෑන්ලේක් 42/2)

සන්රයිසස් හයිද්‍රාබාද් - ඕවර 20 කදී කඩුලු 9 ක් දැවී ලකුණු 151
(විර්දිමාන් සාහා 22, ශීකර් ධවාන් 45, දීපක් හූඩා නොදැවී 32, මයාන්ක් මාර්කන්ඬේ 23/4, මුස්ටෆීසූර් රෙහ්මන් 24/3, ජස්ප්‍රීට් බුම්රා 32/2)

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
දකුණු අප්‍රිකාව සුපිරි ඕවරය ජයගනී...
2019-03-19 21:28:52
තරග තුනකින් සමන්විත විස්සයි20 ක්‍රිකට් තරගාවලිය ආරම්භ කරමින් කේප් ටවුන්හි නිව්ලන්ඞ්ස් ක්‍රීඩාංගණයේදී අද (19) පැවැති පළමු විස්සයි-2...
විස්මිත හඹායාමකින් ශ්‍රී ලංකාවට රිදී පදක්කමක්...
2019-03-17 19:41:32
අවසන් (සිව්වැනි) අදියරේ විශ්මිත හඹා යාමකින් මිශ්‍ර සහය (අදියර 4ක එකතුව මීටර 1000 - පිරිමි) ඉසව්වේ රිදී පදක්කම (විනාඩි 1 තත්පර 55.04) හ...
දකුණු අප්‍රිකානු ජ්‍යෙෂ්ඨයෝ විවේක ගනිති...
2019-03-18 18:13:33
ශ්‍රී ලංකාවට එරෙහිව පැවැත්වෙන තරග 3 කින් සමන්විත විස්සයි20 ජාත්‍යන්තර ක්‍රිකට් තරගාවලිය සඳහා නම් කරන ලද දකුණු අප්‍රිකානු ස...
උදානගේ ප්‍රවේගකාරී පිතිහරඹය අපතේ යයි...
2019-03-22 21:34:17
ප්‍රවේගකාරී පිතිහරඹයක නිරත වෙමින් පන්දු 48 කදී නොදැවී ලකුණු 84 ක් රැස්කිරීමට ඉසුරු උදාන සමත් වුවද, මුල් පෙළ පිතිකරුවන්ගේ අසාර්ථකත්වය හ...