. මුම්බායි ඉන්දියන්ස්ට ලකුණු 46 ක ජයක් | කෙළිමඬල
2018 ඔක්තෝබර් මස 22 වැනි සඳුදා
මුම්බායි ඉන්දියන්ස්ට ලකුණු 46 ක ජයක්
2018-04-17 20:49:10 | .

අයි.පී.එල් ක්‍රිකට් තරගාවලියේ 14 වන තරගය ලෙස මුම්බායි ඉන්දියන්ස් සහ රෝයල් චැලේන්ජර්ස් බැංගලෝර් කණ්ඩායම් අතර මුම්බායිහිදී අද (17 වැනිදා) පැවැති තරගය ලකුණු 46 කින් ජයගැනීමට මුම්බායි ඉන්දියන්ස් කණ්ඩායම සමත්විය.

ජයග්‍රහණය සදහා ලකුණු 214 ක ඉලක්කයක් හඹාගිය රෝයල් චැලේන්ජර්ස් බැංගලෝර් කණ්ඩායමට ඕවර 20 අවසානයේ කඩුලු 8 ක් දැවී රැස්කිරීමට හැකිවූයේ ලකුණු 167 ක් පමණි.

තනි සටනක දියත් කළ විරාට් කෝලී වේගවත් පිතිහරඹයක නිරත වෙමින් පන්දු 62 කදී හයේ පහර 4 ක් සහ හතරේ පහර 7 ක් සමගින් නොදැවී ලකුණු 92 ක් රැස්කළද ජයග්‍රහණයට එය ප්‍රමාණවත් නොවීය.

ආරම්භය සාර්ථක වුවද මැද පෙළ සහ පසුපෙළ පිතිකරුවන් අසාර්ථකවීම හේතුවෙන් ජයග්‍රහණය කරා යෑමට රෝයල් චැලේන්ජර්ස් බැංගලෝර් කණ්ඩායමට නොහැකි වූහ. 

කෲනාල් පාණ්ඩ්‍යා කඩුලු 3 ක්ද ජස්ප්‍රීට් බුම්රා සහ මිචෙල් මැක්ලෙනගන් කඩුලු 2 බැගින් දවාගනිමින් මුම්බායි ඉන්දියන්ස් කණ්ඩායම ජයග්‍රහණය කරා රැගෙන යාමට සමත්වූහ.

රෝහිත් ශර්මාගේ (94) විශිෂ්ට පිතිහරඹය හමුවේ පළමුව පන්දුවට පහරදුන් මුම්බායි ඉන්දියන්ස් කණ්ඩායම ඕවර 20 අවසානයේ කඩුලු 6 ක් දැවී ලකුණු 213 ක් රැස්කිරීමට සමත්විය.

වේගවත් පිතිහරඹයක නිරතවූ රෝහිත් ශර්මා ලකුණු 94 ක් රැස්කර සිටියදී කොරී ඇන්ඩර්සන්ගේ පන්දුවක් හමුවේ ක්‍රිස් වෝක්ස් අතට උඩපන්දුවක් දෙමින් දැවී ගියේය. දැවීයන විට පන්දු 52 කට මුහුණදුන් රෝහිත් ශර්මාගේ ඉනිමට හයේ පහර 5 ක් සහ හතරේ පහර 10 ක් ඇතුළත් විය.

පළමු පන්දු දෙක තුළදී සූර්යකුමාර් යාදව් සහ ඉශාන් කිශාන් දවාගනිමින් මුම්බායි ඉන්දියන් පිලට තර්ජනයක් දීමට උමේෂ් යාදව් සමත්වුවද තෙවැනි කඩුල්ල සදහා පන්දු 66 කදී ලකුණු 108 ක සම්බන්ධතාවයක් පවත්වමින් තරගයේ පාලනය සියතට ගැනීමට රෝහිත් ශර්මා සහ එවින් ලෙවිස් සමත්වූහ.

රෝහිත් ශර්මාට අනගි සහයක් ලබාදුන් එවින් ලෙවිස් පන්දු 42 කදී හයේ පහර 5 ක් සහ හතරේ පහර 6 ක් සමගින් ලකුණු 65 ක් රැස්කිරීමට සමත්විය.

උමේෂ් යාදව් සහ කොරී ඇන්ඩර්සන් කඩුලු 2 බැගින් දවාගැනීමට සමත්වූහ.

කාසියේ වාසිය දිනාගත් රෝයල් චැලේන්ජර්ස් බැංගලෝර් කණ්ඩායමේ නායක විරාට් කෝලී පළමුව පන්දු රැකීමට තීරණය කළේය.

මුම්බායි ඉන්දියන්ස් - ඕවර 20 කදී කඩුලු 6 ක් දැවී ලකුණු 213
(රෝහිත් ශර්මා 94, එවින් ලෙවිස් 65, උමේෂ් යාදව් 36/2, කොරී ඇන්ඩර්සන් 47/2)

රෝයල් චැලේන්ජර්ස් - ඕවර 20 කදී කඩුලු 8 ක් දැවී ලකුණු 167
(විරාට් කෝලී නොදැවී 92, කෲනාල් පාණ්ඩ්‍යා 28/3, ජස්ප්‍රීට් බුම්රා 28/2 මිචෙල් මැක්ලෙනගන් 24/2)

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
එංගලන්තය එක්දින තරගාවලිය ජයගනී...
2018-10-20 10:13:07
ශ්‍රී ලංකාව සහ එංගලන්තය අතර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී අද (20 වැනිදා) පැවැති සිවුවැනි එක්දින තරගයෙන් ඩක්...
ශ්‍රී ලංකාව පරාජයෙන් බේරීමේ මං සොයයි...
2018-10-19 17:58:44
මේ වන විට තරග 2 ක් පරාජය වී ඇති බැවින් කෙසේ හෝ ඉතිරි තරග 2 ජයගනිමින් එංගලන්තයට  එරෙහිව පැවැත්වෙන එක්දින තරගාවලිය 2-2 ක් ලෙස සම තත්වයට...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...