. කොල්කටා පිලට කඩුලු 7 ක ජයක් | කෙළිමඬල
2018 ඔක්තෝබර් මස 22 වැනි සඳුදා
කොල්කටා පිලට කඩුලු 7 ක ජයක්
2018-04-18 20:08:08 | .

අයි.පී.එල් ක්‍රිකට් තරගාවලියේ 15 වැනි තරගය ලෙස රාජස්ථාන් රෝයල්ස් කණ්ඩායම සහ කොල්කටා නයිට් රයිඩර්ස් කණ්ඩායම අතර ජායීපූර්හිදී අද (18 වැනිදා) පැවැති තරගය කඩුලු 7 කින් ජයගැනීමට කොල්කටා නයිට් රයිඩර්ස් කණ්ඩායම සමත්විය.

ජයග්‍රහණය සදහා ලකුණු 161 ක ඉලක්කයක් හඹාගිය කොල්කටා නයිට් රයිඩර්ස් කණ්ඩායමට ඕවර 18.5 කදී කඩුලු 3 ක් පමණක් දැවී ඉලක්කය පහසුවෙන් ජයගැනීමට හැකිවිය.

මුළු ලකුණු සංඛ්‍යාව එකක් වන විට පළමු කඩුල්ල ලෙස ක්‍රිස් ලයන් ලකුණු නොළඹා පිටියෙන් ඉවත්වීමෙන් පසුව සුනිල් නරේන් සමගින් එක්ව දෙවැනි කඩුල්ල සදහා පන්දු 49 කදී ලකුණු 69 ක සම්බන්ධතාවයක් ගොඩනැගීමට රොබින් උතප්පා සමත්විය.

සුනිල් නරේන් පන්දු 25 කදී හයේ පහරක් සහ හතරේ පහර 5 ක් සමගින් ලකුණු 35 ක් රැස්කළ අතර රොබින් උතප්පා පන්දු 36 කදී හයේ පහර 2 ක් සහ හතරේ පහර 6 ක් සමගින් ලකුණු 48 ක් රැස්කරමින් ජයග්‍රහණයට අඩිතාලම දැම්මේය.

සිවුවැනි කඩුල්ල සදහා පන්දු 38 කදී ලකුණු 61 ක නොබිදුණු සම්බන්ධතාවයක් ගොඩනැගූ නිතිෂ් රානා සහ ඩිනේෂ් කාර්තික් කොල්කටා නයිට් රයිඩර්ස් කණ්ඩායම ජයග්‍රහණය කරා රැගෙන ගියහ.

පන්දු 23 කට මුහුණදුන් ඩිනේෂ් කාර්තික් හයේ පහර 2 න් සහ හතරේ පහර 2 ක් සමගින් නොදැවී ලකුණු 42 ක් රැස්කළ අතර නිතිෂ් රානා පන්දු 27 කදී හයේ පහරක් සහ හතරේ පහර 2 ක් සමගින් නොදැවී ලකුණු 35 ක් රැස්කිරීමට සමත්විය.

සිය ඕවර 4 ලකුණු 23 කට සීමා කරමින් කඩුලු 2 ක් දවාගැනීමට ක්‍රිෂ්නප්පා ගෞතම් සමත්විය.

පළමුව පන්දුවට පහරදුන් රාජස්ථාන් රෝයල්ස් කණ්ඩායම ඕවර 20 අවසානයේ කඩුලු 8 ක් දැවී ලකුණු 160 ක් රැස්කිරීමට සමත්විය.

වේගවත් ආරම්භයක් ලබාගත් අජින්ක්‍යා රහනේ පළමු කඩුල්ල ලෙස දැවීයන විට පන්දු 19 කදී හයේ පහරක් සහ හතරේ පහර 5 ක් සමගින් ලකුණු 36 ක් රැස්කර සිටියේය.

අනෙක් ආරම්භක පිතිකරුවාවූ මැතිව් ශෝට් වේගවත් පිතිහරඹයක නිරත නොවූවද හයේ පහරක් සහ හතරේ පහර 5 ක් සමගින් පන්දු 43 කදී ලකුණු 44 ක් රැස්කරමින් රාජස්ථාන් රෝයල්ස් ලකුණු පුවරුව ඉහළ දැමීමට සමත්විය.

පළමු කඩුල්ල සදහා අජින්ක්‍යා රහනේ සහ මැතිව් ශෝට් පන්දු 41 කදී ලකුණු 54 ක සම්බන්ධතාවයක් ගොඩනැගූවද අනෙක් පිතිකරුවන් සාර්ථක සම්බන්ධතා ගොඩනැගීමට අපොහොසත් වූහ.

ඕවර 2 ක බැගින් යවන ලද නිතිෂ් රානා ලකුණු 11 කට කඩුලු 2 ක් ද ටොම් කරන් ලකුණු 19 කට කඩුලු 2 ක් ද දවාගනිමින් පන්දුවෙන් දස්කම් දැක්වූහ.

කාසියේ වාසිය ලැබූ කොල්කටා නයිට් රයිඩර්ස් කණ්ඩායමේ නායක ඩිනේෂ් කාර්තික් පළමුව පළමුව පන්දුවට පහරදීම සදහා රාජස්ථාන් රෝයල්ස් කණ්ඩායමට ආරාධනා කළ අතර කණ්ඩායම් දෙකම කිසිදු වෙනස්කමක් සිදුනොකරමින් අද තරගයට සහභාගී වූහ.

රාජස්ථාන් රෝයල්ස් - ඕවර 20 කදී කඩුලු 8 ක් දැවී ලකුණු 160
(අජින්ක්‍යා රහනේ 36, මැතිව් ශෝට් 44, ජොස් බට්ලර් නොදැවී 24, නිතිෂ් රානා 11/2, ටොම් කරන් 19/2)

කොල්කටා නයිට් රයිඩර්ස් - ඕවර 18.5 කදී කඩුලු 3 ක් දැවී ලකුණු 163
(සුනිල් නරේන් 35, රොබින් උතප්පා 48, නිතිෂ් රානා නොදැවී 35, ඩිනේෂ් කාර්තික් නොදැවී 42, ක්‍රිෂ්නප්පා ගෞතම් 23/2

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
එංගලන්තය කඩුලු 7 කින් ජයගනී ...
2018-10-17 23:00:17
ශ්‍රී ලංකා කණ්ඩායමට එරෙහිව මහනුවර පල්ලෙකැලේ ක්‍රීඩාංගණයේදී අද (17 වැනිදා) පැවැති තෙවැනි එක්දින ජාත්‍යන්තර තරගයෙන් කඩුලු 7 ක ජය...
එංගලන්තය එක්දින තරගාවලිය ජයගනී...
2018-10-20 10:13:07
ශ්‍රී ලංකාව සහ එංගලන්තය අතර පල්ලෙකැලේ ජාත්‍යන්තර ක්‍රිකට් ක්‍රීඩාංගණයේදී අද (20 වැනිදා) පැවැති සිවුවැනි එක්දින තරගයෙන් ඩක්...
ශ්‍රී ලංකාව පරාජයෙන් බේරීමේ මං සොයයි...
2018-10-19 17:58:44
මේ වන විට තරග 2 ක් පරාජය වී ඇති බැවින් කෙසේ හෝ ඉතිරි තරග 2 ජයගනිමින් එංගලන්තයට  එරෙහිව පැවැත්වෙන එක්දින තරගාවලිය 2-2 ක් ලෙස සම තත්වයට...
ශ්‍රී ලංකා ක්‍රිකට් මූල්‍ය ප්‍රධානියා සැඟවෙයි...
2018-10-17 21:10:57
ශ්‍රී ලංකා ක්‍රිකට් ආයතනයේ හිටපු මූල්‍ය ප්‍රධානියා සැඟවී ඇති බව අපරාධ පරීක්‍ෂණ දෙපාර්තමේන්තු ආරංචි මාර්ග සඳහන් කරයි. ශ්‍රී ...
කුසල් මෙන්ඩිස් යළි කැඳවයි ...
අදත් එනවා පේනවා මෙන්ඩියා යනවා පේනවා ...
පිතිකරු ලැයිස්තුව ස්ථිර විය යුතුයි - ශානක...
බයවෙන්න එපා. වැසි දෙවියො දන්නවා අපිට ඕවර 50ක් ගහන්න බෑ කියල . හෙටත් පිහිටට එයි ....
සීමිත ඕවර නායකත්වයත් චන්දිමාල්ටම...
හොඳ අදහසක්.. අසේල ගුණරත්නත් කණ්ඩායමට ඇතුළත් කළයුතුයි. ...
මැතිව්ස් අවදානම් අඩවියක...
ලබ්රෝයි වත් ගෙදර යවන්න ඕනේ. මෙහෙම තමා තමන්ගේ හෙන්ච්ච්යියන් ඇතුලට දාලා ක්‍රිකට් කන්නේ... මැතිව්ස් කොහොමත් අයින් කරන්න ඕනේ.. ...
එංගලන්ත සංචිතයට ඔලී එක්වෙයි...
පුදුමේ කියන්නේ අපේ ක්‍රිකට් පාලකයන්ට තේරෙන්නේ නෑ අපේ රටේ සංවිධානය කරන තරඟාවලිය අපිට වාසි විදිහට පවත්වාගන්න... අපිට වඩා මේ දිනවල දක්ෂතා අතින් ඉහලින් සි...