. සහිරාට 26-8 ක ජයක් | කෙළිමඬල
2018 මැයි මස 20 වැනි ඉරිදා
සහිරාට 26-8 ක ජයක්
2018-04-22 21:04:23 | මොහාන් ප්‍රනාන්දු

උත්සාහක මහනුවර ධර්මරාජ විදුහල් පිලට එරෙහිව ලකුණු 26-8 ක ජයක් ලැබූ මරදාන සහිරා විදුහල අන්තර් පාසල් පළමුපෙළ ලීග් රග්බි තරගාවලියේ කුසලාන වටයට රිංගා ගැනීමට ඊයේ සමත්විය. සහිරා විදුහල් පිටියේ ඊයේ පස්වරුවේ පැවැති මේ තරගයේ දී සහිරා පිල ගෝල 3 ක් සහ උත්සාහක දිනුමක් තැබූ අතර ධර්මරාජය රැස් කළේ උත්සාහක දිනුමක් සහ දඬුවම් පහරක් පමණි.

නායක භවන්ත උඩංගමුව සාර්ථක කරගත් දඬුවම් පහරකින් තරගයේ 15 වැනි මිනිත්තුවේදී ලකුණු 3-0කින් පෙරමුණ ගැනීමට ධර්මරාජය සමත්වූවත් ඊට මොහොතකට පසුව අම්ජාඞ් ෆවුමි තැබූ  අගනා උත්සාහක දිනුමක් ගෝලයක් බවට ප්‍රවර්තනය කළ සෙන්ටර් ක්‍රීඩක මින්හාජ් සම්සුඩීන් ලකුණු 7-3කින් සහිරා පිල ඉදිරියට ගෙන ගියේය. අනතුරුව ඔහු හුකර් ක්‍රීඩක ශමීම් නසාර් තැබු උත්සාහක දිනුම ගෝලයක් බවට ප්‍රවර්තනය කරමින් සිය කණ්ඩායම ලකුණු 14-3කින් ඉහළට ඔසවා තැබුවේය.

තරගයේ පළමු භාගය නිමාවට පෙර සිය දෙවැනි උත්සාහක දිනුම තැබූ අම්ජාඞ් සහිරා විදුහල් පිල ලකුණු 19-3කින් ඉදිරියට ගෙන ගියේය.

දැඩි පීඩනයට පත්ව සිටි ධර්මරාජ විදුහල් පිලේ ක්‍රීඩකයන් දෙවැනි භාගය ආරම්භයේ වැඩි කළබළයකට පත්වීම නිසා නීති විරෝධී ක්‍රීඩා  රටාවක් පෙන්නුම් කිරීමෙන් තරග තීරකවරයාගේ උදහසට ලක්වූහ. මේ හේතුවෙන් සහිරා විදුහල් පිලට පැනල්ටි ට්‍රයි අවස්ථාවක් ලබාදීමට තරග තීරකවරයා කටයුතු කළ අතර එමගින් සහිරා විදුහල් පිල ලකුණු 26-3කින් ඉදිරියට ගියේය.

වින්ග් ක්‍රීඩක ගයාන් මධුසංඛ තැබූ අගනා උත්සාහක දිනුමක් නිසා ලකුණු සංඛ්‍යාව 8 දක්වා ඉහළ දමාගැනීමට ධර්මරාජයට හැකිවූවත් සහිරා පිලට සටනක් දීමට එය කිසිසේත්ම ප්‍රමාණවත් නොවීය.


සහිරා විදුහල - ලකුණු 26 යි
■    උත්සාහක දිනුම්
අම්ජාඞ් ෆවුමි 2 යි, ශමීම් නසාර් 1 යි
■    ප්‍රවර්තන
මින්හාජ් සම්සුඩීන් 2 යි


ධර්මරාජ විදුහල - ලකුණු 08 යි
■    උත්සාහක දිනුම්
ගයාන් මධුසංඛ 1යි
■    දඬුවම් පහර
භවන්ත උඩංගමුව 1යි

 

ඔබේ ප්‍රතිචාර

නම :
විද්‍යුත් තැපැල් ලිපිනය :
ඔබේ ප‍්‍රතිචාර :
ඉතාලියානුවෝ ලෝක කුසලානය කඳුලින් ඔපදමති...
2018-05-13 15:26:57
පාපන්දු ලෝක කුසලාන ආරම්භ වීමට තවත් ඇත්තේ මාසයක පමණ කෙටි කාලයකි. තනි ක්‍රීඩාවක් සඳහා ලෝකයේ පැවැත්වෙන විශාලතම තරගාවලිය වන පාපන්දු ලෝක කු...
ගුරුසිංහ සති කිහිපයක් රඳවාගනී...
2018-05-13 22:07:59
ශ්‍රී ලංකා ක්‍රිකට් කණ්ඩායමේ කළමණාකරු වශයෙන් අසංක ගුරුසිංහ මහතා තවත් සති කිහිපයක් කටයුතු රඳවාගැනීමට නියමිත බව ශ්‍රී ලංකා ක්&zw...
අයර්ලන්තය ඉනිමක පරාජයකින් ගැළවීමේ සටනක...
2018-05-13 23:58:53
අයර්ලන්තය සහ පාකිස්තානය අතර ඩබ්ලින්හිදී පැවැත්වෙන ටෙස්ට් ක්‍රිකට් තරගයේ තෙවැනි දිනය වූ අද (13 වැනිදා) තරගය නතර කරන විට ඉනිමක පරාජයකින්...
විරාට් කෝලිගේ සැඟවුණ මානුෂීය ගුණය ...
2018-05-14 19:28:51
ඉන්දීය ප්‍රීමියර් ලීග් තරගාවලිය එන්න එන්නම උණුසුම් වන බව සැබෑය. එහි පූර්ණ ගෞරවය හිමිවිය යුත්තේ ඉන්දීය රසිකයන් වෙතය. මෙවර තරගාවලියේදී ඉ...